پاکستان کی فتح ،کرکٹ کے دیوانے نے پھلوں کی قیمتیں کم کردیں

کرکٹ کاجادوسرچڑھ کربول رہا ہےلاہور میں کرکٹ دیوانے نے کوارٹر فائنل جیتنے پرپھلوں کی قیمتیں کم کردیں۔
لاہورکی پھل اورسبزی منڈی سنگھ پورہ میں ایک دکاندار نے پھلوں کی قیمت میں پانچ روپےفی کلو کمی کردی اس کا کہنا تھاکہ یہ کمی کرکٹ میچ جیتنے کی خوشی میں کی گئی ۔ اس نے یہ اعلان بھی کیا کہ اگرٹیم کامیچ بھارت سے ہوااورسیمی فائنل میں پاکستانی ٹیم نے بھارت کو شکست دی تو قیمتوں میں 20روپےتک کمی کرکے بغیر منافع کےپھل عوام کوفروخت کرے گا
Read more »

ہنگو: پولیس اسٹیشن پر خودکش حملہ،2 اہلکاروں سمیت 5 جاں بحق

ہنگو کے علاقے دوآبہ میں پولیس اسٹیشن پر خود کش حملے میں دو پولیس اہلکاروں سمیت پانچ افراد شہید اور11 اہلکاروں سمیت 25 افراد زخمی ہوگئے۔
تھانے کی عمارت اور8 مکانات منہدم ہو گئے ۔ متعدد افراد ملبے تلے دبے ہوئے ہیں ۔ہلاکتوں میں اضافے کا خدشہ ہے ۔ پولیس کے مطابق ہنگو شہر سے چالیس کلومیٹردوردوآبہ میں آج صبح ساڑھے سات بجے ایک خودکش حملہ نے بارود سے بھری گاڑی تھانہ دوآبہ کی عمارت سے ٹکرا دی جس جس سے دو پولیس اہلکاروں سمیت5افراد جاں بحق اور 25 زخمی ہوگئے۔ قریبی پانچ مکانات مکمل طور پر تباہ ہوگئے جبکہ متعدد مکانات کو جزوی نقسان پہنچا۔ تھانے کی عمارت مکمل طور پر تباہ ہوگئی۔ تھانے اور تباہ ہونے والے مکانات کا ملبہ ہٹایا جا رہا ہے۔ متعدد افراد ملبے تلے دبے ہوئے ہیں اورہلاکتوں میں اضافے کا خدثہ ہے۔ زخمیوں کو ڈسٹرکٹ ہیڈکواٹر ہسپتال ہنگو اور سی ایم ایچ ٹل منتقل کردیا گیا۔۔ پولیس اور سیکورٹی اداروں کے اہلکاروں نے علاقے کو گھرے میں لے لیا ہے اور سرچ آپریشن کیا جا رہا ہے
Read more »

مونس الٰہی کے جسمانی ریمانڈ میں چار دن کی توسیع

لاہور: مسلم لیگ ق کے رہنما مونس الٰہی کے جسمانی ریمانڈ میں چار دن کی توسیع کر دی گئی۔ این آئی سی ایل اسکینڈل کیس میں مونس الٰہی کو آج لاہور کی عدالت میں پیش کیا گیا۔ سماعت کے دوران ایف آئی اے نے مونس الٰہی کے جسمانی ریمانڈ میں توسیع کے لئے جوڈیشل مجسٹریٹ کو درخواست دی جس پر عدالت نے مونس الٰہی کے جسمانی ریمانڈ میں چار دن کی توسیع کر دی۔ پیشی سے قبل پنجاب اسمبلی کے رکن چوہدری ظہیر نے عدالت کے احاطے میں میڈیا سے بات چیت کرتے ہوئے مونس الٰہی کو واحد سیاسی قیدی قرار دیا۔ چوہدری ظہیر نے کہا کہ وفاقی وزیر داخلہ رحمان ملک جمہوریت کی راہ میں کانٹے بورہے ہیں۔
Read more »

کراچی میں ٹارگٹ کلنگ جاری، مزید 4 ہلاک

کراچی کے مختلف علاقوں سے تین نوجوانوں کی گولیوں سے چھلنی لاشیں ملی ہیں جبکہ ہوٹل پر فائرنگ سے ایک شخص ہلاک اور دوسرازخمی ہو گیا۔
تھانہ شرافی گوٹھ کے علاقے لانڈھی نمبر ایک میں سروس روڈ سےبیس اوربائیس سال کے دونوجوانوں کی لاشیں ملیں،جنہیں نامعلوم افراد نے سر میں گولیاں مار کر ہلاک کیا تھا۔ کھارادر کے علاقے کھجور مارکیٹ سے پچیس سالہ نوجوان کی ہاتھ پاؤں باندھی لاش ملی جسے نامعلوم افراد نے گولیاں مار کر قتل کیا تھا۔گلستان جوہر بلاک نمبر انیس میں نامعلوم موٹر سائیکل سواروں نے ہوٹل پر فائرنگ کر دی۔ جس سے پینتیس سالہ صلاح الدین ہلاک جبکہ بتیس سالہ علاو الدین زخمی ہو گیا۔
Read more »

طرابلس : اتحادی طیاروں کی صدر قذافی کے کمپاؤنڈ پر بمباری

طرابلس میں اتحادی طیاروں نے صدر قذافی کے کمپاؤنڈ پر بمباری کی ہے، جس سے بڑی تعداد میں شہری ہلاک ہوگئے ہیں ،نیٹوارکان میں اب تک لیبیاکےخلاف آپریشن کی مرکزی کمانڈ سنبھالنےپراتفاق نہیں ہو سکا ہے
اتحادی افواج اور معمر قذافی کے فوج کے حملوں کے درمیان لیبیا کے عوام کی زندگیاں خوف و ہراس کا شکار ہیں ۔ نیٹو افواج اب تک آپریشن کی مرکزی کمان سنبھالنے کے حوالے سے تذبذب کا شکار ہیں ۔باراک اوباما کا کہنا ہے کہ ابتدائی ٹارگٹس کے حصول کے بعد امریکا حملوں کی مرکزی قیادت سے دستبردار ہو جائے گاجبکہ فرانس کے صدر نکولس سرکوزی کا کہنا ہے کہ نیٹو کسی بھی صورت آپریشن میں مرکزی کردار ادا نہیں کرے گا۔ دوسری جانب نیٹو کے جنگی جہازوں نے لیبیا کے ساحلوں پر گشت شروع کردیا ہے. کینیڈا کے جہازوں نے مصراتہ کے قریب اسلحہ ڈپو تباہ کردیا ہے ۔نیٹو کی جانب سے بار بار کسی سویلین ہلاکت کے نہ ہونے کی اطلاعات کے باوجود میڈیا رپورٹس کے مطابق اتحادی حملوں کی زد میں عوام بھی آئے ہیں ۔ اتحادی فوج کے 162 ٹام ہاک میزائلوں اور بموں کی بارش کے باوجود قذافی کی فوجوں کی پیشقدمی جاری ہے ۔ صدر قذافی کی حامی افواج نے اجدابیہ شہر کے مشرقی اور مغربی راستوں پر پوزیشن سنبھال لی ہے ۔مصراتہ میں حالیہ حملوں میں 12 افراد کے ہلاک ہونے کی اطلاعات ہیں۔ اپوزیشن کا کہنا ہے کہ قذافی کی افواج کی کارروائیاں مزید جارحانہ ہو گئی ہیں
Read more »

مہریہ نصیریہ یونان کے صدر امیتاز عالم جعفری کو قاری مہتاب اغواکیس میں ملوث کرنے کی کوشش ناکام بنا دی گئی

ایتھنز(اجالانیوز)مہریہ نصیریہ ٹرسٹ یونان کے صدر امتیاز عالم جعفری کوقاری مہتاب اغوا کیس میں ملوث کرنے کی سازش ناکام بنا دی گئی۔تفصیلات کے مطابق چند ہفتے قبل مہیریہ نصیریہ ٹرسٹ سے وابستہ قاری مہتاب جن کوبعض افراد نے ذاتی رنجش اورمفادات کی خاطر اغواکرلیاتھااوران کورہاکرنے کے بدلے بھاری تعاون کامطالبہ کیا جس پرپوری پاکستانی برادری یک جاہوگئی اوراعلیٰ سطح پراس معاملے کواٹھائے جانے کے بعد قاری مہتاب کوان کے ساتھی سمیت بازیاب کرالیاگیاجبکہ اغواکاروں کاپوراگینگ بھی اس میں پکڑا گیا جس میں مختلف شہروں سے تعلق رکھنے والے پاکستانی بھی شامل تھے۔ان اغواکاروں میں شامل ایک عثمان نامی ملزم نے مہریہ نصیریہ ٹرسٹ یونان کے صدر امتیاز عالم جعفری جوکہ ایک معروف تاجر بھی ہیں سے مالی فائدہ اٹھانے کی خاطر ان کوملوث کرنے کی کوشش کی گئی جس پرگذشتہ شب ایغالیو میں مہیریہ نصیریہ ٹرسٹ کے ذیلی مرکز میں پاکستانی برادری کاایک اکٹھ کیاگیا جس میں ملزم کے ساتھ ہونے والی مبینہ گفتگوکوسنایاگیا جس میں حاضرین کواشارہ دیاگیاتھاکہ اس اغوا میں امتیاز عالم جعفری کابھی پس پردہ ہاتھ ہے جس پرتمام افراد نے یک جا ہوکر اس کی تردید کی اوراس کوایک سازش قرار دیتے ہوئے اس کومسترد کردیا۔شرکا میں شامل پاکستانی برادری کے معززین نے کہاکہ گفتگوسے اس کاکوئی بھی قانونی یااخلاقی پہلونہیں بنتاجس سے معلوم ہوکہ امتیاز عالم جعفری اس میں ملوث ہے تاہم یہ ایک ناکام کوشش ہے جس کامقصد فقط امتیاز عالم جعفری سے رقم ہتھیاناہے ۔
Read more »

یوم پاکستان کے موقع پرچوہدری محمد اعجازصدر پاکستان مسلم لیگ(ن) یونان کا عہدیداران کے اعزاز میں ظہرانہ

ایتھنز(اجالانیوز)یوم پاکستان کے موقع پرپاکستان مسلم لیگ(ن) یونان کے صدر چوہدری اعجازاحمد کاپارٹی عہدیدران کے اعزاز میں ظہرانہ۔ظہرانے کے موقع پرچوہدری اعجاز احمدنے پارٹی کے عہدیداران کوآگاہ کیاکہ پاکستان مسلم لیگ(ن) اس وقت ملک کے اندر ملک کے نظام اورجمہوریت کومضبوط کرنے میں اہم کردار اداکررہی ہے۔انھوں نے یونان کے اندر پاکستان مسلم لیگ(ن) کی سرگرمیوںکے حوالے سے روشنی ڈالی اوررکنیت سازی اورپاکستان میں اعلیٰ قیادت کے ساتھ روابط کے حوالے سے عہدیداران کوآگاہ کیاگیا۔انھوں نے یونان میں مقیم پاکستانی کمیونٹی کویوم پاکستان کی مبارک باد پیش کرتے ہوئے کہاکہ یہ ایک تاریخ دن ہے جس دن اقبال کے خوابوں کی تعبیر اوربرصغیر کے مسلمانوں کو ایک آزاد وطن کے حصول کے لیے ایک رہنما اصول کی صورت میں جدوجہد کرنے کامنشوردیاگیا۔انھوں نے کہاکہ آج کاپاکستان ہم سے تقاجہ کرتاہے کہ ہم ملک کے اندر امن وامان اوراس کی ترقی میں اہم کرداراداکریں تاکہ جس ملک نے ہم کوشناخت دی ہم اس کومحفوظ اورپرامن باوقار ملک بنائیں۔انھوں نے یوم پاکستان کے روز پاکستان کرکٹ ٹیم کی فتخ پربھی مبارک بادی پیغام دیا۔ظہرانے کے موقع پرقائدپاکستان مسلم لیگ(ن) میاں محمد نواز شریف کی صحت یابی اوران کی درازی عمر کی خصوصی دعابھی کی گئی ۔
Read more »

تعصب کے خلاف مختلف ممالک سے تعلق رکھنے والے تارکین وطن کاامونیا سکوائر میں احتجاجی جلسہ


ایتھنز(اجالانیوز)تعصب  کے خلاف مختلف ممالک سے تعلق رکھنے والے تارکین وطن کاامونیا سکوائر میں احتجاجی جلسہ حکومت سے تعصب کے خلاف سخت اقدامات کرنے ،پناہ گزینوں کوقانونی حثیت دینے اورنسلی تعصب سے بالاتر ہوکر انصاف مہیا کرنے کامطالبہ کیا۔امونیا سکوائر میں افریقی،ایشیائی،مشرقی یورپی ممالک،مشرق وسطیٰ سے تعلق رکھنے والے سینکڑوں تارکین وطن نے جلوس نکالا اوراپنے حقوق کے لیے آواز بلند کی۔اس موقع پرمظاہرین کاکہناتھاکہ ان کے ساتھ پولیس کارویہ انتہائی نارواہے اورتھانوں میں ان کی جانب سے شکایات پرعمل درآمد نہیں کیاجاتا غیرقانونی پناہ گزینوں کے لیے حکومت کی جانب سے کوئی ٹھوس پالیسی نہ ہونے کے باعث ان کوسخت مشکلات کاسامناہے،مظاہرین کاکہناتھاکہ ان سے نسلی تعصب کی بنا پر امتیازی سلوک کیاجاتاہے اوران کوزندگی کے مختلف شعبہ جات میں معاشی دھارے میں شامل کرنے میں زبردست رکاوٹیں ہیں جس کے باعث ان کا معاشی استحصال ہورہاہے۔مظاہرین کاکہناتھاکہ قوم پرست گروپ ان کے خلاف نسل پرستانہ تشدد آمیز کارروائیاں کرتے ہیںجن کے سدباب کے لیے قانون نافذ کرنے والے ادارے دل چسپی نہیں لیتے جس کے باعث ان کی روز مرہ کی زندگیوں کوسخت مشکلات درپیش ہیں۔تارکین وطن نے حکومت سے مطالبہ کیاکہ ان کے مسائل کوحل کرنے کے لیے ٹھوس لائحہ عمل اپنایاجائے۔
Read more »

لیبیا پر حملے کے خلاف ایتھنز اور دیگر شہروں میں مسلسل احتجاج

ایتھنز(اجالانیوز)امریکہ ،فرانس،برطانیہ اوردیگر اتحادی ممالک کی جانب سے لیبیا پرحملے  اوریونان کی جانب سے اپنے سرزمین استعمال کرنے کے خلاف جنگ مخالف تنظیمات،انسانی حقوق کی جماعتوں اوربائیں بازو کی سیاسی جماعتوں کے ہزاروں افراد کااحتجاج امریکن سفارت خانے کے سامنے زبردست احتجاج کیاگیا۔لیبیا پر ہونے والے حملے کے خلاف اورجنگ شروع کرنے جس میں اتحادی فوجوں کی جانب سے بے گناہ معصوم شہریوں کی ہلاکتوں پرزبردست احتجاج کرتے ہوئے مظاہرین نے فوری طورپر جنگ بندی کامطالبہ کیاجبکہ حکومت یونان سے مطالبہ کیاکہ وہ فوری طورپر اتحادی افواج کواپنے اڈے دینے اورسمندری حدود کے استعمال کوروکے ۔لگاتار تین روز تک ہونے والے احتجاجی مظاہروں میں جنگ مخالف جماعتوں،کمیونسٹ پارٹی،بائیں بازو کی جماعتوں،انسانی حقوق کی تنظیموں اوردیگر پارٹیوں کے ہزاروں کارکنوں نے یونانی پارلیمنٹ کے سامنے اورامریکن سفارت خانے کے باہر مظاہرہ کیا۔مظاہرین کوکنٹرول کرنے کے لیے پولیس کی بھاری نفری تعینات کی گئی تھی۔
Read more »

شمالی وزیرستان: امریکہ کیلئے جاسوسی کے الزام میں 4 افراد قتل

شمالی وزیرستان میں امریکہ کے لئے جاسوسی کے الزام میں چار افراد کو قتل کر دیا گا ہے ۔
سرکاری ذرائع کے مطابق تحصیل دتہ خیل اور میر علی سے چار افراد کی لاشیں ملی ہیں ۔ قتل ہونے والے افراد کو چند روز قبل اغواء کیا گیا تھا ۔ تین افراد کی لاشیں تحصیل دتہ خیل کے علاقے منظر خیل میں سڑک کے کنارے پھنک دی گئیں جبکہ ایک کی لاش میر علی کے علاقے عیسو ڑی سے ملی ہے۔ تین مقتولین کا تعلق شمالی وزیرستان سے اور ایک کا تعلق افغانستان سے ہے ۔
Read more »

ملک کے مختلف شہروں میں زلزلہ، شدت 5.7ریکارڈ کی گئی

راولپنڈی اسلام آباد، لاہور ،کشمیر ، گلگت بلتستان اور اپر پنجاب میں زلزلے کے جھٹکے محسوس کئے گئے ۔ریکٹر سکل پر زلزلے کی شدت 5 اعشاریہ 7ریکارڈ کی گئی۔
زلزلہ دن 2 بج کر 49 منٹ پر آیا ۔محکمہ موسماتت کے زلزلہ پیما مرکز کے مطابق زلزلے کا مرکز پشاور سے 289کلو میٹر شمال مشرق کی جانب ہندوکش کے پہاڑی سلسلے مںا تھا اور زلزلے کی گہرائی 176 کلو میٹر تھی زلزلے جھٹکے جڑواں شہروں کے علاوہ کشمرا ، گلگت بلتستان ، کشمر ، اور اپر پنجاب مںں بھی محسوس کئے گئے۔دوسری جانب زلزلے سے کسی قسم کے جانی نقصان کی اطلاع موصول ہوئی
Read more »

یونان کے وزیر دفاع نے لیبیا کے خلاف کسی بھی فوج کارروائی میں شامل ہونے کی تردید کردی

ایتھنز(ڈاکٹرتنویراحمدسنی)یونان کے وزیر دفاع نے لیبیا کے خلاف کسی بھی فوج کارروائی میں شامل ہونے کی تردید کردی۔وزیر دفاع اونگلووینزیلو کاکہناتھاکہ یونانی افواج یایونانی فضائیہ لیبیا کے خلاف کسی بھی فوجی کارروائی میں حصہ نہیں لی رہی انھوں نے واضح کیاکہ یونان کوخطرات میں نہیں دھکیلا جاسکتالیکن نیٹو اورہمارے اتحادیوں کی جانب سے یونان کودرخواست کی گئی تھی کہ ان کوجزیرہ کریتی کے علااوہ سودا سمندر کی بندرگاہ اورہوائی اڈے استعمال کرنے کی اجازت دی جائے جوایک فطری تقاضہ اورعالمی معاہدوں کے عین مطابق ہے تاہم اڈوں کی فراہمی کے علاوہ ہماری فوج کاکوئی بھی حصہ فوجی کارروائی میں شامل نہیں۔
Read more »

ایتھنز پولیس نے ایک پاکستانی کوجعلی کرنسی رکھنے کے الزام میں گرفتارکرلیا

ایتھنز(اجالانیوز)ایتھنز پولیس نے  ایک پاکستانی کوجعلی کرنسی رکھنے کے الزام میں گرفتارکرلیا۔ایتھنز کے علاقہ میتاکسورغیو سے ایک پچیس سالہ پاکستانی جوکہ گھر سے ایک بیگ لے کرنکلا جس کواس نے ایک کار کے پہیوں کے نزدیک رکھا اورمشکوک انداز میں ادھر ادھر دیکھ رہاتھااس کی مشکوک حرکات کوقریب موجود پولیس اہلکاروں نے نوٹ کرلیا جنھوں نے اس کوچیک کرنا چاہاتووہ وہاں سے فرار ہونے کی کوشش کرنے لگاجس پرپولیس نے اس کوتھوڑی دور جاکر گرفتارکرلیااوراس کی تلاشی لینے پراس کے بیگ سے 250یورو کے جعلی کرنسی نوٹ برآمد ہوئے جن کووہ مارکیٹ میں استعمال کرنا چاہتاتھا پولیس نے ملزم کوگرفتارکرکے اس کے خلاف قانونی کارروائی شروع کردی ہے۔
Read more »

ایگومنیچا پولیس نے مختلف سے تیس پناہ گزینوں کو گرفتارکرلیا

ایگومنیچا(اجالانیوز)یونان کی شمال مغربی بندرگاہ ایگومینچا سے مختلف مقامات سے تیس پناہ گزینوں کو گرفتارکرلیاہے جوکہ غیر قانونی طورپر علاقے میں موجود تھے۔پویس نے شہر کے نزدیکی علاقہ سے چھبیس پناہ گزینوں کواس وقت گرفتارکرلیاجب وہ مختلف مقامات پر جانے کی کوشش میں مصروف تھے پولیس کو شک ہے کہ ان کووہاں پر اتار کرانسانی سمگلر چلے گے تھے جن کوبعدازاں محفوظ مقام پرمنتقل کیاجاناتھا۔ایک اورکارروائی میں پولیس نے چار پناہ گزینو ں کواس وقت گرفتارکرلیاجب وہ اٹلی جانے والے جہاز کے انتظار میں کھڑے ٹرالے کے اندر گھسنے کی کوشش میں مصروف تھے۔پولیس کے مطابق تمام افراد کا تعلق ایشیائی ممالک سے ہے تاہم ان کی قومیت اورنام ظاہر نہیںکیے گے۔
Read more »

ترکی سے یونان داخل ہونے والے تین پناہ گزین دریا میں ڈوب گے لاشیں ہسپتال منتقل

الیکساندروپولس(اجالانیوز)ترکی کی جانب سے یونان داخل ہونے والے تین غیر قانونی پناہ گزین دریائے ایورس کی لہروں کی نذر تین لاشیں دستیاب۔دریائے ایورس کے کنارے گشت کرنے والے سرحدی محافظوں کوتین مردوں کی لاشیں دریا سے ملی ہیںجوکہ پناہ گزینوں کی معلوم ہوتی ہیںجن کی عمریں پچیس سے تیس سال کے درمیان بیان کی جاتی ہیں۔حکام کے مطابق دریا سے ملنے والی دولاشوں کی گردنوں پرنشانات پائے گے ہیں جبکہ تیسری لاش کومچھلیوں نے اپنی خوراک بنایا۔تینوں لاشوں کوالیکساندروپولس کے ہسپتال منتقل کردیاگیاہے جہاں ان کاپوسٹ مارٹم ہوگا۔دریں اثنا پولیس نے ایک انسانی سمگلر سمیت پانچ غیر قانونی پناہ گزینوں کوگرفتارکرلیاہے جوکہ غیرقانونی طورپر سرحد عبور کرکے ایک کار میں محفوظ ٹھکانے پرمنتقل ہونے کی کوشش کررہے تھے۔حکام کے مطابق ایگناتیا ہائی وے پرپولیس نے یاسموس علاقے میں کار کوروکا اور اس میںسوار پانچ افراد کوحراست میں لے لیاکیونکہ ان کے پاس قانونی رہائشی پرمٹ نہین تھے جبکہ ان کوکار سے لے جانے کی کوشش کرنے والے ڈرائیور کوانسانی سمگلنگ کے الزام میں گرفتار کرلیاگیا۔حکام کے مطابق انسانی سمگلنگ کے لیے استعمال ہونے والی گاڑی چوری شدہ ہے۔
Read more »

لیبیامیں کسی بھی کارروائی کاحصہ بننے کے لیے تیار ہیں یونانی وزیر خارجہ اپوزیشن کابیان پراحتجاج

ایتھنز(اجالانیوز)ہم لیبیا میں امن قائم کرنے کے لیے بالکل تیار ہیںیہ بیان یونان کے وزیر خارجہ دیمیتریس دروچاس نے دیا۔انھوں نے کہاکہ یونان کی فضائیہ اقوام متحدہ کی قرار دادوں کے مطابق لیبیامیں ہونے والی کسی بھی کارروائی میں حصہ لینے کے لیے مکمل تیارہے اوراپنے دیگر حلیفوں کے ساتھ اس عالمی کوشش کاحصہ بنیں گے۔یونانی وزیر خارجہ نے کہاہے کہ عالمی برادری جب بھی کوئی فیصلہ کرے گی اورلیبیا میں قیام امن کے لیے فوجی کوششیں کی جائیں گی تویونانی افواج اس کاحصہ ہونگی اوراس میں فوری شامل ہونگی۔وزیر خارجہ نے کہاکہ ہمارے ماضی میں کرنل قذافی کی حکومت کے ساتھ انتہائی بہتر تعلقات تھے لیکن ہم آمریت کی حمایت کی بجائے عوامی حکومت کے حق میں ہیں۔انھوں نے کہاکہ ان کوامید ہے کہ لیبیا میں حالات جلد معمول پرآجائیں تاہم اگر عالمی برادری کوئی فیصلہ کرتی ہے تویونان اس کاحصہ بنے گا۔وزیر خارجہ یونان کے بیان پریونان کی لیفٹ کولیشن آف ریڈیکل اتحاد(سیرزا)کے بیان پرسخت احتجاج کرتے ہوئے کہاہم خطے میں کسی بھی جارحیت یافوجی کارروائی کی عدم موجودگی میں قیام امن کے حامی ہیں اوریونان کاہمیشہ موقف پرامن رہاہے لہذا یونان کوکسی بھی فوجی کارروائی کاحصہ نہیں بننا چاہیے۔کمیونسٹ پارٹی کی جنرل سیکریٹری الیکاپاپاریگانے وزیر اعظم یورگوپاپاندریو کومخاطب کرتے ہوئے کسی بھی فوجی ایکشن میں حصہ نہ لینے کی تجویز دی۔
Read more »

کوئٹہ: کوئلے کی کان میں دھماکہ، 5 کان کن جاں بحق، 46 پھنس گئے

کوئٹہ کے نواحی علاقے سورینج میں کوئلے کی کان میں دھماکے سے 5 کان کن جاں بحق ہو گئے جبکہ 46 کان کن پھنسے ہوئے ہیں۔
چیف انسپکٹر مائنز افتخار احمد کے مطابق کوئٹہ سے 35 کلومیٹر دور سورینج کے مقام پر پی ایم ڈی سی کان میں گیس بھر جانے سے یکے بعد دیگرے 3 دھماکے ہوئے، جس سے کان کا ایک حصہ بیٹھ گیا اور پانچ کان کن جاں بحق ہو گئے۔ جبکہ 46 سے زائد افراد کان کے اندر پھنسے ہوئے ہیں۔
ریسکیو ٹیموں نے جاں بحق ہونے والے کان کنوں کی لاشیں نکال لی ہیں جبکہ دیگر افراد کو نکالنے کیلئے امدادی کارروائیاں جاری ہیں۔
Read more »

آسٹریلیا کیخلاف فتح کا سہرا باوٴلرز کے سر جاتا ہے،آفریدی

کولمبو: پاکستان کرکٹ ٹیم کے کپتان شاہد آفریدی نے کہا ہے کہ آسٹریلیا کے خلاف فتح کا سہرا باوٴلرز کے سر جاتا ہے۔کولمبو میں میڈیا سے گفتگو کرتے ہوئے شاہد آفریدی نے کہا کہ باؤلرز نے عمدہ بالنگ کرکے آسٹریلیا کو بڑا ہدف دینے میں ناکام بنایا۔ عمر گل، عبدالرحمان سمیت تمام باؤلرز نے اپنا کردار بخوبی ادا کیا۔آسٹریلیا کے خلاف جو حکمت عملی اپنائی تھی اس پر کھلاڑی پورا اترے، لڑکوں نے مایوس نہیں کیا۔انہوں نے کہا کہ کوارٹرفائنل کے لئے آسٹریلیا کے خلاف جیت بہت اہم تھی، اس کامیابی سے ٹیم کا مورال بلند ہوگا اور کوشش کریں گے کہ کوارٹرفائنل مثبت سوچ کے ساتھ کھیلیں۔ آفریدی نے کہا کہ اسد شفیق اور عمر اکمل نے ذمہ دارانہ بیٹنگ کرکے ٹیم کی جیت کو یقینی بنایا۔ بطور کپتان وہ غیرذمہ دارانہ شاٹ کھیل کر آوٴٹ ہوئے۔ دوسری جانب آسٹریلوی کپتان رکی پونٹنگ کا کہنا تھا کہ وہ شکست پر کوئی بہانہ نہیں بنانا چاہتے، پاکستان نے ان سے بہتر کھیل کا مظاہرہ کرکے فتح حاصل کی، ان کی بیٹنگ خراب رہی جس کے سبب انہیں شکست کا سامنا کرنا پڑا۔
Read more »

لیبیا:امریکا اور اتحادیوں کے حملے ،50سے زائد افراد ہلاک

لیبیا پر امریکا اور اتحادیوں کے بحری اور فضائی حملے میں پچاس سے زائد افراد ہلاک اور ڈیڑھ سو سے زائد زخمی ہوگئے۔ کارروائی میں چار ٹینک اور کئی فوجی گاڑیاں تباہ ہوگئیں۔بحیرہ روم میں موجود امریکی بحری جہاز اور اتحادی فوج کے درجنوں لڑاکا طیاروں نے آپریشن اڈیسی ڈان میں حصہ لیتے ہوئے لیبیا میں کئی مقامات کو نشانہ بنایا۔ فرانسیسی طیاروں نے معمر قذافی کے آبائی شہر سرت اور بن غازی کے اطراف میں بمباری کی۔میڈیا رپورٹس کے مطابق حملوں میں چار ٹینک تباہ ہوگئے۔لیبیا نے فرانس کا ایک طیارہ بھی مارگرایا ہے۔ شہروں پر بمباری سے پہلے امریکا اور برطانیہ کے بحری جہازوں نے لیبیا کے ساحلی علاقوں میں بیس سے زائد دفاعی اہداف کو نشانہ بنایا اور ایک سو دس سے زائد کروز میزائل داغے۔ تین امریکی آبدوزوں اور گیارہ بحری جہازوں سمیت اتحادی فوج کے پچیس جہاز بحیرہ روم میں موجود ہیں۔ اتحادی فورسز کی کارروائی میں اب تک پچا س سے زائد افراد ہلاک اور ڈیڑھ سو سے زائد زخمی ہوگئے ہیں۔ مقامی ذرائع کے مطابق ہلاک ہونے والوں میں بیشتر خواتین اور بچے ہیں۔ لیبیا کے صدر معمر قذافی نے قوم سے خطاب میں کہا ہے کہ بحیرہ روم میں فوجی اور سول اہداف کو نشانہ بنایا جائے گا۔ عوام کے لئے اسلحہ خانے کھول دئے گئے ہیں۔ لیبیا کی وزرات خارجہ نے سلامتی کونسل کا فوری اجلاس بلانے کا مطالبہ کیا ہے بیان کے مطابق غیرملکی طیاروں کی بمباری سے شہروں، فضائی اڈوں اور اسپتالوں کو نقصان پہنچا ہے۔ اتحادی فوج کی کارروائی سے عالمی امن اور سلامتی خطرے میں پڑگئی ہے۔
Read more »

ریمنڈ ڈیوس کیس کا فیصلہ دباؤ میں نہیں کیا گیا، گورنر پنجاب

گورنر پنجاب لطیف کھوسہ کا کہنا ہے ریمنڈ ڈیوس کیس کا فیصلہ دباؤ میں نہیں کیا گیا۔ کسی کو زبردستی دیت پر راضی نہیں کیا جاسکتا.
وہ مخبر ہیں نہ ہی جاسوسی کرنا ان کا کام ہے سب کو معلوم ہے کہ دیت کس نے ادا کی ان کا کہناتھا کہ ریمنڈڈیوس کےحوالے سے عدالتی فیصلہ کسی کوپسند نہیں آیاتواعلٰی عدالتیں موجود ہیں۔ پیپلزپارٹی کے کارکن مانی پہلوان کی صاحبزادی کی شادی کی تقریب میں میڈیا سے گفتگوکرتے ہوئے گورنر پنجاب کا کہناتھا کہ ساری قوم کو معلوم کے کہ ریمنڈڈیوس کیس میں ورثا نے 20کروڑ روپے حق دیت لیا فیصلہ آئین ،قانون اور اسلامی شرعیت کے مطابق ہےمتعلقہ جج نے چارگھنٹے ورثا سے تسلی کرنے کے بعد فیصلہ دیا کہ یہ فساد فی العرض نہیں ہے۔ وہ مخبرہیں نہ جاسوس کہ انہیں معلوم ہو کہ ورثا اب کہاں ہیں اور پیسہ کس نےدیا۔
Read more »

ڈرون حملے،فوج کو جوابی کارروائی کی اجازت دی جائے،ماروی میمن کا وزیر اعظم کوخظ

قاف لیگ کی رکن قومی اسمبلی ماروی میمن نے وزیر اعظم کے نام خط میں ان سے مطالبہ کیا ہے کہ ڈرون حملوں پر پارلیمنٹ میں قرارداد کی منظوری کے ذریعے امریکہ کیخلاف حالت جنگ میں ہونے کا اعلان کیا جائے اور افواج پاکستان کو جوابی کارروائی کی اجازت دی جائے.
وزیر اعظم کو لکھے گئے خط میں ماروی میمن نے کہا ہے کہ امریکہ ڈرون حملوں سے پاکستان کی خود مختاری شدید متاثر ہو رہی ہےجبکہ ملک کی پارلیمنٹ ایسے حملوں کیخلاف چودہ نکاتی قرادا د کی منظوری دے چکی ہےجس کے بعد حکومت کا فرض ہے کہ ان حملوں کی اجازت نہ دی جائےاور اقوام متحدہ کو امریکی جارحیت سے آگاہ کیا جائے . خط میں ان کا مزید کہنا ہے کہ موجودہ حکومت آئین کے تحت عوام کو ان حملوں سے محفوظ رکھنے میں مکمل طور پر نا کام ہو چکی ہےاگر حکومت نے ان حملوں پر کوئی خفیہ معاہدہ کر رکھا ہے تو وہ بھی آئین کی سنگین خلاف ورزی ہے.ماروی میمن کا کہنا ہے کہ اگر حکومت ایسی قرارداد نہ لائی تو یہ حکومت کی کمزوری اور اپنے فرائض ادا کرنے میں ناکامی کے مترادف ہو گا۔
Read more »

مسلم لیگ ق کا پارلیمنٹ کے مشترکہ اجلاس کے بائیکاٹ کا فیصلہ

لکی صورت حال پرمسلم لیگ قائد اعظم کا ہنگامی مشاورتی اجلاس چودھری شجاعت حسین کی سربراہی میں جاری ہے اجلاس کے دوسرے دور میں رات آٹھ بجے کے بعداہم فیصلوں سے متعلق میڈیا کو بریفنگ دی جائے گی ۔لاہور میں چودھری شجاعت حسین کی رہائش گاہ پر جاری اجلاس میں مسلم لیگ ق کی اعلٰی قیادت، سینٹرز،ممبران قومی و صوبائی اسمبلی اور دیگر سیاسی رہنما شریک ہیں۔ اجلاس میں فیصلہ کیا گیا ہے کہ مسلم لیگ ق منگل کوطلب کئے جانے والے پارلیمنٹ کے مشترکہ اجلاس کا بائیکاٹ کرے گی۔ اجلاس میں ریمنڈڈیوس کی رہائی،ڈرون حملوں پر مشاورت کی گئی ہے اوربائیس مارچ کو طلب کئے جانے والے اجلاس کے موقع پر ق لیگ ریمنڈڈیوس کی رہائی اور ڈرون حملوں کے خلاف پارلیمنٹ کے باہر احتجاج بھی کرے گی۔ اجلاس میں مشاہد حسین سید،کامل علی آغا،انجینئر امیر مقام،چودھری ظہیرالدین اور دیگر رہنما شریک ہیں ۔ مشاورتی اجلاس کا اگلا دور رات آٹھ بجے چودھری شجاعت حسین کی رہائش گاہ پر ہی ہوگا جس کے بعد میڈیا کو بریفنگ دی جائے گی۔
Read more »

ورلڈ کپ 2011: زمبابوے کا پاکستان کو جیتنے کیلیے 162 رنز کا ہدف

زمبابوے نے پہلے کھیلتے ہوئے 39.4 اوورز میں 7 وکٹوں کے نقصان پر 151رنز بنائے تاہم میچ کو بارش کے باعث مختصر کرنا پڑا.
پالی کیلے اسٹیڈیم میں گروپ اے کے میچ میں زمبابوے نے ٹاس جیت کر پہلے بیٹنگ کرتے ہوئے بیس اوورز میں 4 وکٹوں کے نقصان پر 71 رنز بنائے ہیں۔ میچ کے آغاز سے ہی زمبابوے کی ٹیم مشکلات کا شکار ہورہی جب برینڈن ٹیلر چار کے انفرادی اسکور پر عبدالرزاق کی گیند پر کامران اکمل کے ہاتھوں کیچ آؤٹ ہو کر چلتے بنے جبکہ ریگس چکابوا صفر جبکہ سباندا 5 کے انفرادی اسکورز پر عمر گل کا شکار بن گئے۔ تیتندا تیبو کو 19 کے انفرادی اسکور پر وہاب ریاض نے آؤٹ کیا۔
میگا ایونٹ میں پاکستان اور زمبابوین ٹیم کے چار مقابلے ہوئے جس میں تین بار گرین شرٹس جیتے جبکہ ایک میچ بغیر کسی نتیجے کے ختم ہوا۔
پاکستان اور زمبابوے کے درمیان ٹوٹل 40 ون ڈے انٹرنیشنل میچز کھیلے گئے جن میں 36 میں قومی ٹیم کو کامیابی حاصل ہوئی اور 2 میں زمبابوین ٹیم فاتح رہی، ایک برابر جبکہ ایک میچ بغیر کسی نتیجے کے ختم ہوا۔ پاکستانی ٹیم مں اسد شفیق اور وہاب ریاض کو شامل کیا گیا ہے جبکہ پاکستانی ٹیم کے کپتان شاہد آفریدی کا کہنا تھا کہ کامران اکمل کو سپورٹ کرنا چاہئے، کامران اکمل ہی وکٹ کیپنگ کریں گے۔
Read more »

حالیہ معاشی بحران کے باعث یونان سے کثیرتعدادمیں تارکین وطن اپنے اپنے ممالک روانہ ہوناشروع ہوگئے

ایتھنز (میاں وقار احمد لادیاں)حالیہ معاشی بحران کے باعث یونان سے کثیرتعدادمیں تارکین وطن اپنے اپنے ممالک روانہ ہوناشروع ہوگئے ۔ تعمیرات کاکام نہ ہونے کی وجہ سے یونان کے پڑوسی ملک البانیہ سے تعلق رکھنے والے افراد اپنی فیملز سمیت البانیہ روانہ ہوگئے ۔اسکے علاوہ بلغاریہ ، رومانیہ اور روس سے تعلق رکھنے والے ہزاروںافراد بھی اپنے آبائی وطن روانہ ہوچکے ہیں ۔ جن کے پاس کاغذات نہیں تھے ان میں اکثراپنی مدد آپ کے تحت پاکستان روانہ ہورہے ہیں جبکہ غریب بے کس مکان جائیداد بیچ کر اچھے مستقبل کی خاطریونان آنے والے افراد وسائل نہ ہونے کے باعث IOMسمیت مختلف NGO'sکے تعاون سے پاکستان روانہ ہورہے ہیں ۔ البتہ ایسے پاکستانیوں کی تعداد بہت زیادہ ہے جن کے پاس کاغذات توہیں لیکن روزگار نہ ہونے کی وجہ سے انہوں نے یہاں مقیم رہ کر اضافی خرچ سے بچنے کیلئے پاکستان جانے کو ترجیح دی اوراکثراپنے عزیزواقارب اور دوست احباب کے ہاں ملازمت کیلئے سپین ، اٹلی اورجرمنی جارہے ہیں ۔ تارکین وطن کے علاوہ ہزاروں کی تعدادمیں یونانی افرادبھی اچھے مستقبل اور روزگارکی تلاش میں جرمنی ، کینیڈااور آسٹریلیا جاچکے ہیں ۔مزید برآں جمعرات کے روز بھی چالیس پناہ گزین مستقل طورپرIOMکے تعاون سے اپنے ممالک روانہ ہوگے ان میں تیس سے زائد پاکستانی جبکہ دس کے قریب بنگلہ دیشی پناہ گزین تھے جویونان کے انتہائی برے معاشی حالات بے روزگاری کی وجہ سے یونان کومستقل چھوڑکراپنے اپنے ممالک کوروانہ ہوگے۔
Read more »

کسی بھی ملک کی ثقافت ،معاشرت ، تہذیب وتمدن ،تاریخ اور قوانین کو سمجھنے کیلئے اس ملک کی زبان جاننا انتہائی ضروری ہے

ایتھنز (میاں وقار احمد لادیاں)کسی بھی ملک کی ثقافت ،معاشرت ، تہذیب وتمدن ،تاریخ اور قوانین کو سمجھنے کیلئے اس ملک کی زبان جاننا انتہائی ضروری ہے ۔ دیارغیر میںتارکین وطن کیلئے دوسرے ملک کی زبان انتہائی اہمیت کی حامل ہوتی ہے اور اگراس ملک میں ملازمت کا معاملہ ہوتو زبان سے شناساہونا انتہائی ناگزیرہوجاتاہے ۔ اسی بات کو مدنظررکھتے ہوئے پاکستانی برادری کی سہولت مرکز امونیا گلی انکساغورا15-نزد مکہ ریسٹورنٹ میں گریک لینگوئج کورس کا آغاز کردیاگیا ہے تاکہ پاکستانی افراد آسانی کیساتھ یونانی زبا ن سیکھ سکیں اور انہیں سکول آنے میں بھی دشواری کا سامنانہ کرناپڑے ۔اس کورس کا دورانیہ دوماہ ہوگا ،ہفتہ میں تین دن یعنی جمعرات ، ہفتہ اور اتوار کو دن 2بجے کلاس کا آغاز ہوگا ۔ اسکے علاوہ دوسرے کورس کی کلاسز بدھ ،جمعرات ، ہفتہ اور اتوار کو ہونگی ۔ پاکستانی برادری کو اطلاع دی جاتی ہے کہ اس کورس میں بغیر کاغذات والے افراد بھی داخلہ لے سکتے ہیں اور یہ کورس مکمل طور پرفری ہوگا۔ آپ پاسپورٹ یاریڈکارڈ کی فوٹو کاپی کے ہمراہ کورس میں داخلہ کیلئے اندراج کرسکتے ہیں ۔ کورس کے اختتام پر بذریعہ امتحان ڈپلومہ بھی دیاجائے گا جوکہ کسی بھی کمپنی یافیکٹری میں ملازمت کیلئے کارآمد ہوگا ۔مزید معلومات کیلئے مندرجہ ذیل نمبر پر رابطہ کیاجاسکتا ہے ۔
مہرفیصل :6946288132
Read more »

یونان میں بڑھتے ہوئے جرائم ،آئے روز کی بڑھتی ہوئی وارداتیں اورسٹریٹ کرائم کی وجہ سے عام شہری پریشان

یتھنز(میاں وقار احمد لادیاں)یونان میں بڑھتے ہوئے جرائم ،آئے روز کی بڑھتی ہوئی وارداتیں اورسٹریٹ کرائم کی وجہ سے عام شہری پریشان ،حالیہ 6ماہ کے دوران سینکڑوں افراد کے جیب سے بٹوے نکال لئے گئے ۔ اسکے علاوہ شام ہوتے ہی موبائل فون اوررقم چھیننے کی ان گنت وارداتوں کی تھانوں میں ایف آئی آر درج کرائی گئیں ۔ جرائم کی شرح اتنی بڑھ گئی ہے کہ گذشتہ ہفتے یورگوسکیلویانیس اور 30سالہ یوآنیس ایونگیلی نامی دوپولیس اہلکاروں کو سرعام قتل کردیاگیا ۔ اس سے  پہلے بھی سپیشل اسکواڈ کے پولیس اہلکار پرفائرنگ کی گئی ۔ جس میں اس کا البانوی دوست ہلاک ہوگیاتھا ۔ ان وارداتوں کے بعد عام شہری سوچنے پر مجبورہوگئے ہیں کہ اگرپولیس ہی غیر محفوظ ہوگئی تو عام شہریوں کا کیا بنے گا؟
Read more »

حکومت کسی بھی بلیک میلنگ سے اپنی پالیسیوں کوتبدیل نہیں کرے گی

ایتھنز(ڈاکٹر تنویراحمدسنی)حکومت کسی بھی بلیک میلنگ سے اپنی پالیسیوں کوتبدیل نہیں کرے گی یہ اعلان وزیر داخلہ یونان یانیس راگوسیس نے ایک مقامی ریڈیو رئیل ایف ایم کوایک انٹرویو میںدیا انھوں نے اپنے انٹرویومیں کہاکہ حکومت کسی بلیک میلنگ کے ہاتھوں کوبھی رہائشی پرمٹ جاری نہیں کرے گی انھوں نے کہاکہ پناہ گزینوں کی بھوک ہڑتال سے ایک منفی اورغلط رویے کواپنایاگیا جس سے حکومت کے ساتھ ان کے روابط کی بھی کوئی بہتر پیش رفت نہ ہوسکی ۔اپنے انٹرویو میں انھوں نے کہاکہ صرف ایسے پناہ گزین جن کی درخواستیں قانونی تقاضے پوری کرتی ہوئی ان کوعارضی رہائشی پرمٹ جاری کیے جائیں گے اوران کے لیے بارہ یاآٹھ سال کے عرصے کوبھی دیکھاجائے گاجوکہ مذاکرات کے دوران سامنے آیاجس میں انھوں نے کہاکہ انھوں نے اتناعرصہ اس ملک میں گزاراہے۔انھوں نے کہاکہ حکومت صرف تین سوکوقانونی حثیت نہیں دے سکتی انھوں نے کہاکہ ان کوپولیس کے ساتھ رابطے کاکہاگیاہے جہاں وہ اپنے متعلقہ ضروری کاغذات پیش کرکے ایک طریقہ کار کے تحت آگے بڑھ سکتے ہیں۔انھوں نے کہاکہ انھوں نے متعدد باران کوبھوک ہڑتال ختم کرنے کاکہااورمعاشرے میں پرامن قیام کے لیے درخواست کی تاہم ایک محدود تعداد کے مفاد پرست عناصر کی وجہ سے ان کوپنتالیس روز تک بھوکارکھاگیا۔انھوں نے واضح کیاکہ ایسے کوئی بھی پالیسی نہیں ہے یاقانونی ترمیم موجود نہیں جس سے یہ ثابت ہوکہ جن افراد کویونان میں بارہ سال ہوچکے ہیں ان کورہائشی پرمٹ جاری کیے جائیں گے۔
Read more »

یونان میں گرفتار غیر قانونی تارکین وطن کے سینٹرز کی حالت نہ صرف انتہائی بری ہے بلکہ اس حوالے سے یویانی حکام کا رویہ بھی افسوسناک ہے

برسلز (سکندرریاض چوہان)یونان میں گرفتار غیر قانونی تارکین وطن کے سینٹرز کی حالت نہ صرف انتہائی بری ہے بلکہ اس حوالے سے یویانی حکام کا رویہ بھی افسوسناک ہے۔ یہ بات ویانا میں قائم ای، یو فنڈا مینٹل رائٹس ایجنسی ایف آر اے نے اس حوالے سے مرتب کردہ رپورٹ میں گزشتہ روز بتائی۔ رپورٹ کے مطابق گزشتہ سال یورپ میں داخل ہونے والے 90 فیصد غیر قانونی تارکین وطن یونان میں گرفتار ہوئے جو اس کے مشرقی بارڈر کے ایوروس ریجن میں داخل ہونے کی کوشش کر رہے تھے جن کی گرفتاری 350 افراد روزانہ کی بلند ترین سطح پر ہوئی۔ اس دوران یورپ میں داخل ہونے کے لئے دریائے ایوروس کو استعمال کرنیوالے 26 افراد ڈوب کر ہلاک ہوگئے۔ رپورٹ کے مطابق اس حصے داخلے کی کوش کرنے والے 40 فیصد تارکین وطن کا تعلق افغانستان سے ہے جبکہ باقی افراد الجیریا، پاکستان، صومالیہ اور عراق سے تعلق رکھتے ہیں۔ ایف آر اے کے مطابق اس دوران گرفتار شدگان کو آزادانہ سماجی اور قانونی قونصلیٹ کی کوئی سہولت حاصل نہیں ہوتی سوائے اقوام متحدہ کے ادارہ برائے ریفیوجیز (یو این ایچ سی آر) کے نمائندے کے۔ رپورٹ میں یونانی حکومت پر الزام عائد کیا گیا ہے کہ وہ اس مسئلے سے نمٹنے کے لئے یورپین یونین کی جانب سے دی گئی امداد کو بھی صحیح استعمال نہیں کرسکی۔
Read more »

زمبابوے کیخلاف کامران اکمل وکٹ کیپنگ کرینگے: شاہدآفریدی

پاکستانی کپتان شاہد آفریدی نے کہا کہ زمبابوے کیخلاف قومی ٹیم میں تبدیلی کا امکان نہیںاور وکٹ کیپنگ کامران اکمل ہی کریں گے ۔
کینڈی میں قومی ٹیم کے کپتان نے پریس کانفرنس کرتے ہوئے کہا کہ زمبابوے کی ٹیم کو آسان نہیں سمجھ رہے ، ٹیم پوری قوت کیساتھ میدان میں اتر ے گی ۔ انہوں نے کہا کہ ٹیم کمبی نیشن میں تبدیلی کیے بغیر کامیابی ملے گی ، کرکٹرز کو صرف پرفارم کرنے کی ضرورت ہے ۔کپتان نے کہا کہ میچ میں وکٹ کیپنگ کامران اکمل ہی کریں گے ۔انہوں نے بتایا کہ عمر اکمل کی انجری معمولی ہے اور انہوں نے پریکٹس سیشن میں حصہ لیا ہے
Read more »

جاپان زلزلہ ،12 ہزار سے زائد ہلاکتوں کا خدشہ

جاپان میں زلزلہ اور سونامی سے آنے والی تباہی بڑھتی جا رہی ہے جس میں 12 ہزار سے زائد ہلاکتوں کا خدشہ ظاہر کیا جا رہا ہے۔ دو ایٹمی پلانٹس کے کولنگ سسٹم فیل ہونے سے تابکاری پھیلنے کا خدشہ بڑھ گیا ہے جس کے باعث 25 کلومیٹر تک کا علاقہ خالی کروا لیا گیا ہے۔
جاپان کی حالیہ تاریخ کے بدترین زلزلہ اور سونامی سے نقصانات کا اب تک مکمل طور پر اندازہ نہیں لگایا جا سکا جبکہ سونامی سے جاپان کے ایٹمی بجلی گھروں کو خطرات سے صورت حال مزید سنگین ہو گئی ہے۔ اب تک پانچ میں سے دو ایٹمی پلانٹس کے کولنگ سسٹم فیل ہوگئے ہیں جن کی وجہ سے جوہری ری ایکٹر پھٹنے کا خدشہ ہے اور ایٹمی پلانٹس کے ارد گرد سے ایک لاکھ چالیس ہزار لوگوں کا انخلا کرالیا گیا ہے۔
دوسر جانب جاپان کی دوسری بڑی آئل ریفانری میں لگی آگ پر بھی قابو نہیں پایا جا سکا اور ریفانری میں دھماکوں کا سلسلہ جاری ہے۔ مینامی سانرِکو ے علاقے سے دس ہزار لوگ لاپتہ ہیں جن کی زندہ بچ جانے کے امکانات بہت کم ہے۔ جاپانی حکام اسی وجہ سے ہلاکتوں کی تعداد 12 ہزار سے تجاوز کرنے کا خدشہ ظاہر کر رہے ہیں۔
تباہی کے باعث ملک میں بجلی اور پینے کے صاف پانی کی فراہمی معطل ہو گئی ہے۔ جاپانی ریسکو حکام کا کہنا ہے کہاب تک 3 لاکھ سے زائد شہریوں کو عارضی کیمپوں میں منتقل کیا جا رہاہے۔ دنیا بھر سے آنے والی امدادی ٹیمیں متاثرہ لوگوں کی مدد میں لگی ہوئی ہیں۔
Read more »

صدر زرداری نے ملک کو مشکلات میں ڈال دیا: چودھری نثار

قومی اسمبلی میں قائد حزب اختلاف چودھری نثار علی خان نے کہا ہے کہ انہیں صدر آصف علی زرداری کا خط نہیں ملا اور اگر یہ خط پیدل بھی آرہا ہوتا تو انہیں اب تک ملا جانا چاہیے تھا۔
اسلام آباد میں پریس کانفرنس کرتے ہوئے انہوں نے کہا کہ ملک مشکل میں ہے اور صدر زرداری اپنی پرانی ڈگر پر ہیں، حکومت آخری سانسیں لے رہی اسی لیے صدر ایم کیو ایم کی منتیں کر رہے ہیں ۔انہوں نے کہا کہ آج صدر چودھری شجاعت سے ملاقاتیں کر رہے ہیں اور وہ ان سے پوچھتے ہیں کہ قاتل لیگ کے الزامات کہاں گئے ، زرداری ق لیگ کو قاتل کہنے پر سب کے سامنے معافی مانگیں۔ سندھ کے مسائل حل کرنے کا وقت آتا ہے تو یہ لوگ کہیں اور نظریں لگا لیتے ہیں، جب بھی مشکل وقت آتا ہے یہ اجرک اور سندھی ٹوپی پہن لیتے ہیں۔انہوں نے کہا کہ صدر پر ان کی کرتوتوں سے متعلق انگلی اٹھائی سندھ جانے پر نہیں، صدر ہر رات ایوان صدر کو ڈراموں کی آماجگاہ بناتے ہیں، صدر نے خود کو قانون سے بچانے کیلئے ملک کو دائو پر لگا دیا ہے، صدر نے جمہوریت کو اپنی خواہشوں کی نذر کرنے کا ٹھیکا لے لیا ہے۔کچھ حلقوں کو عدلیہ کی آزادی ایک آنکھ نہیں بھاتی اور حکومت کا ایسے میں خط لکھنا تماشہ لگانے کے مترادف ہے۔چودھری نثار نے کہا کہ جمہوریت اور قانون کو آٖ زرداری کے فیصلوں پر نہیں چھوڑا جا سکتا ۔ ان کا کہنا تھا کہ پاکستان کی کسی جماعت نے سپریم کورٹ کے فیصلے پر ہڑتال نہیں کرائی ، پی پی نے سندھ اسمبلی سے قرارداد منظور کراکے سب کو بھڑکانے کی کوشش کی۔ اس موقع پر انہوں نے بابر اعوان کو بھی آڑھے ہاتھوں لیا اور کہا " بابر اعوان وزیر قانون کم اور زرداری کو بچانے کے وزیر قانون زیادہ ہیں"
Read more »

پنا ہ گزینوں کے سا تھ مذاکرات اور پنا ہ گزینوں کے سا تھ نرم رویہ پر سیا سی جما عتوں کی حکومت پر سخت تنقید

ایتھنز(سکندرریاض چوہان)چھ ہفتوں تک بھوک ہڑتال کرنے والے پناہ گزینوں کے ساتھ معاملات طے پائے جانے کے بعد یونانی سیاسی جماعتوں کی جانب سے حکومت پرسخت تنقید کاسلسلہ شروع ہوگیااورمقامی میڈیا میں حکومت کے رویے کے خلاف اورحکومتی فیصلوںکوسخت تنقید کانشانہ بنایاگیا۔یونان کی آرتھوڈوکس پارٹی لاؤس اورنیوڈیموکریٹک پارٹی کی جانب سے کی جانے والی تنقیدمیں کہاگیاہے کہ وزیر امن عامہ دباؤ کاشکار ہوگے ہیں اوران کوپناہ گزینوں نے اپنے عزم کی آگ سے متاثر کرکے اپنامطالبہ منوایاہے جوحکومت کی کمزوری کاباعث ہے۔نیوڈیموکریٹک پارٹی کے رکن پارلیمنٹ نیکوس دینیدیاس نے کہاکہ حکومت نے پہلے نظر انداز کیااوربعدازاں اسی کومان لیا حکومت کے ان فیصلوں سے ملک خطرناک بحران کاشکارہوگااورمن مانیاں بڑھیں گی۔لاؤس کے رکن پارلیمنٹ آدونیس گورگوریادیس نے کہاکہ غیر قانونی پناہ گزینوںکا معاملہ ملک کے حساس معاملات میں سے ایک ہے جس پر حکومت کاکوئی کنٹرول نہیں ہے اورحکومت مکمل طورپرغیرمتحرک ہوچکی ہے۔انھوںنے وزیر داخلہ پرتنقید کرتے ہوئے کہاکہ ان کوکس نے اجازت دی کہ وہ پناہ گزینوں کے ساتھ مذاکرات کرتے اوران کے مطالبات کومانتے۔لاؤس کے ہی رکن پارلیمنٹ تھناسیس پے لیوریس نے کہاکہ حکومت تین سوجرائم پیشہ عناصر کے ہاتھوں بلیک میل ہوگئی ہے اس سے زیادہ کمزورحکومت کیاہوگی۔سیاسی پارٹیوں میں سے ریڈیکل لیفٹ سیرزا نے بھی حکومت پرتنقید کی اوراس کوپناہ گزینوں کے مسئلہ پرناقص حکمت عملی کاذمہ دارقرار دیا۔سیاسی پارٹیوں کی تنقیدکے الزامات کاجواب دیتے ہوئے وزیر امن عامہ خرستوپاپاچویس نے کہاکہ لاؤس چاہتی ہے کہ ملک کے اندر نازیوںکاقانون بنادیاجائے اورچند اشخاص چاہتے ہیں کہ ملک کے اندر خون بہے اورملک بدامنی کاشکارہو لیکن ان کے اراداے کامیاب نہیں ہونگے۔انھو ں نے کہاکہ حکومت نے انتہائی سوچ بچار کے بعد ایتھنز اورتھسلونیکی میں پناہ گزینوں کے ساتھ مذاکرات کرکے معاملات کوسلجھایاہے تاکہ کوئی بھی نقص امن یامعاشرے میں بگاڑ کامسئلہ درپیش ہو۔
Read more »

ایتھنز میں بوری بند لاشیں اوربے گھر افراد کی اموات کاسلسلہ جاری

ایتھنز(سکندرریاض چوہان)ایتھنز میں بوری بند لاشیں اوربے گھر افراد کی اموات کاسلسلہ جاری۔ایتھنزمیں گذشتہ روزسردی کی شدید لہر کے باعث ایتھنز کے مرکزی علاقہ سے دوروز کے دوران پولیس کودوبے گھر افراد کی لاشیں ملی ہیں جوسردی کی شدت برداشت نہ کرسکنے کے باعث جاں بحق ہوگے تھے پولیس کاکہناہے کہ جاں بحق ہونے والے افراد نشہ کے عادی تھے تاہم بلدیہ ایتھنز کی جانب سے بے گھر افراد کوکمبل بھی تقسیم کیے گے تھے ۔دریں اثنا ایتھنز پولیس کوایتھنز کے نواحی علاقہ آنولوسیا کے سنیٹری ورکر ز نے اطلاع دی کہ ایک بیگ میں سے ان کوانسانی جسم ملاہے جس پرپولیس نے موقع پرپہنچ کربیگ کاجائزہ لیاتواندر سے کسی نامعلوم شخص کادھڑملااورجسم کے بعض دیگرحصے بھی دستیاب ہوئے تاہم لاش کاسرنہیں ملا۔پولیس کاکہناہے کہ لاش کسی تارک وطن کی معلوم ہوتی ہے جس کوقتل کرنے کے بعد اس کے جسم کے ٹکڑوں کوبیگ میں ڈالنے کے بعد کوڑے دان میں پھینک دیاگیاہے پولیس نے لاش قبضہ میں لے کرضروری کارروائی شروع کردی ہے ۔ایک اورواقعہ میں ایتھنز کے انٹرسٹی ریلوے اسٹشن کے قریب واقع روڈ ماموری کے کوڑے کے ڈرم سے پولیس کوایک لاش دستیاب ہوئی ہے جس کوقتل کرنے کے بعد سوٹ کیس میں بند کرنے کے بعد وہاں پرپھینکاگیاتھا۔پولیس کے مطابق صبح کے وقت ایک فرد نے کوڑا پھینکنے کے لیے کوڑے دان کا ڈھکن اٹھایاتواندر اسکو ایک انسانی سرنظر آیا جس سے وہ شدیدخوف وہراس کاشکارہوگیا حواس بحال ہونے پر اس نے پولیس کواطلاع کی جس نے جائے وقوع سے لاش کوبرآمد کرکے ہسپتال منتقل کردیا۔دوعینی شاہدین کاکہناہے کہ صبح نوبجے کے قریب دوافراد نے کوئی بھاری تھیلہ اٹھارکھاتھا جس کوکوڑے دان میں پھینکنے کے بعد وہ وہاں سے فرار ہوگے۔ایک دکاندارکاکہناہے کہ اس نے دیکھا کہ دوافراد نے  صبح آٹھ بجے کے قریب کوئی بھاری وزن اٹھارکھاہے جس کوبمشکل سنھبالے ہوئے تھے اوراس کوکوڑے دان میں پھینکنے کے بعد وہاں سے تیزی سے فرار ہوگے۔پولیس نے جائے وقوع سے شواہد اکٹھے کرکے تفتیش شروع کردی ہے۔
Read more »

بھتہ خوروں اور جرائم پیشہ عنا صر کے خلاف امونیا کی پاکستا نی تاجر برادری متحد ہو گئی

ایتھنز(سکندرریاض چوہان)امونیا میں پاکستانی تاجر برادری کے بڑھتے ہوئے مسائل کے پیش نظر ماضی میں بننے والی پاکستانی بنگلہ دیشی اورافغان امن کمیٹی کے پاکستانی ارکان کی جانب سے ایک اہم اجلاس جامع مسجد درالامن امونیا میںبلایاگیا جس میں امونیا کی تاجر برادری کے علاوہ صحافی اوردیگر افراد نے بھی شرکت کی۔اجلاس میں امونیا میں افغانیوں کی جانب سے بھتہ وصولی،پاکستانی دکانداروں کوتشدد کانشانہ بنانا،مفت خوری اوراسی نوعیت کے دیگر جرائم میں ملوث عناصر کے خلاف متحدہ اورمتفقہ طورپر لائحہ عمل اختیار کرنے کے لیے شرکا کوآگاہی دی گئی۔اجلاس کے شرکا کوآگاہ کیاگیاکہ چند جرائم پیشہ عناصر پاکستانی تاجر برادری کومشکلات سے دوچار کررہے ہیں جس پرتمام تاجر برادری نے یک جا ہونے اورمتحدہ ہونے کاحلف دیا جس میں فیصلہ کیاگیاکہ کسی بھی پاکستانی تاجر کے ساتھ کسی بھی جرائم پیشہ گروہ فرد یاعناصر کی جانب سے ہونے والی زیادتی پرفوری طورپر تمام تاجر برادری اپنی دکانوں کوبندکرکے متعلقہ فردکی مدد کوپہنچیں گے اوراس کے خلاف قانونی چارہ جوئی کے علاوہ صورت حال پرقابوپانے کے بعد دکانوں کوکھولاجائے گا۔مسجد میں قرآن پاک کے سائے میں دیے جانے والے حلف میں تمام افراد نے اس پربھی اتفاق کیاکہ آپس کے معاملات کومل بیٹھ کرحل کریں گے اوراس کے لیے کسی بھی دوسرے ملک کے افراد کی مددنہیں لی جائے گی ایسی صورت میں مذکورہ فرد کے خلاف ضروری کارروائی کی جائے گی۔جرائم پیشہ عناصرکی سرکوبی اورپاکستانی برادری کے وقار کومحفوظ رکھنے کی خاطر تاجر برادری نے ہرقسم کے تعاون کاوعدہ کیااورجوتاجر افراد اس اجلاس میں شریک نہیں ہوسکے ان کودوبارہ شرکت کی دعوت دی جائے گی امونیا کے علاوہ دیگر علاقہ جات کے تاجروں کوبھی اس میں شامل کرنے پرغورہوگا۔
Read more »

پاکستانی محنت کش موٹرسائیکل کے حادثے میں جاں بحق

کسانتھی(سکندرریاض چوہان)پاکستانی محنت کش موٹرسائیکل کے حادثے میں جاں بحق۔علاقائی پولیس کی اطلاع کے مطابق گذشتہ رات ایک پاکستانی محنت کش جوکہ ڈلیوری کاکام کرتاتھاکی کار کے ساتھ ٹکر ہوئی جس مین موٹرسائیکل سوار جس کاتعلق پاکستان سے ہے شدیدزخمی ہوگیاجوکہ بعدازاں زخموں کی تاب نہ لاتے ہوئے جاں بحق ہوگیا۔پولیس نے ضروری کارروائی کرنے کے بعد کار کے ڈرائیور کوحراست میں لے کرزخمیوںکوہسپتال منتقل کردیاگیا۔جاںبحق ہونے والے پاکستانی کے نام کاابھی تک علم نہیں ہوسکا۔
Read more »

لٹے پٹے پاکستانیوںکوواپس جانے میں بھی مشکلات کاسامنا ایف آئی اے نےIOMکے ذریعہ سے جانے والوں کوبھی روکنا شروع کردیا

ایتھنز(سکندرریاض چوہان)لٹے پٹے پاکستانیوںکوواپس جانے میں بھی مشکلات کاسامنا ایف آئی اے نےIOMکے ذریعہ سے جانے والوں کوبھی روکنا شروع کردیا۔تفصیلات کے مطابق انٹرنیشنل آرگنائزیشن فار مائیگرنٹس جوکہ دنیا بھر میں اپنے اپنے ممالک رضاکارانہ طورپر جانے والوں کی مدد کرتی ہے اوران کووطن واپسی میں مدد فراہم کرنے کے علاوہ ان کومقامی حکومت کی جانب سے نئی زندگی کی شروعات کے لیے معمولی رقم بھی فراہم کرتی ہے ۔یونان سے جانے والے پاکستانی جوکہ یونان میں معاشی بحران،بے روزگاری اوردیگر مجبوریوں کی وجہ سے یونان چھوڑکرپاکستان جارہے ہیں اورIOMکے ذرریعہ سے پاکستان روانہ ہوتے ہیں جبکہ ان کوسفارت خانہ کی جانب سے تنظیم کی جانب سے یقین دہانی ہوتی ہے کہ ان کوپاکستان کے ہوائی اڈوں پرنہیں روکا جائے گاتاہم گذشتہ چند ماہ سے پاکستان کے ہوائی اڈوں خصوصاًلاہور ائرپورٹ پر ایف آئی اے حکام ان کوروک کر ان سے بھاری معاوضے کے عوض چھوڑ دیتی ہے یاان کے خلاف مقدمہ درج کرکے عدالت میں پیش کیاجاتاہے یونان سے لٹے پٹے اورحالات کے مارے جب پاکستان جاتے ہیں توحکام ان کے پاس معمولی رقم کوبھی لوٹ لیتی ہے جس سے ان کومزید معاشی استحصال ہوتاہے اورذہنی کوفت جس سے جان چھڑانے کے لیے وہ پاکستان کارخ کرتے ہیں سے دوبارہ واسطہ پڑتاہے جس سے ان کی زندگیاں دوبارہ مشکلات کاشکار ہوجاتی ہیں۔یونان کی سماجی وسیاسی شخصیات ،پاکستانی برادری اور اجالانیوزنے سفیر پاکستان عرفان الرحمان راجہ سے اپیل کی ہے کہ وہ پاکستان میں ایف آئی اے اوروزارت خارجہ کواس بارے مطلع کریں اوریونان سے لٹے پٹے جانے والے بدحال پاکستانیوں کے ساتھ انسانی ہمدردری کے طورپر ان کوجانے کی اجازت دی جائے اوران کومزید مسائل سے دوچار ہونے سے بچانے کے لیے اپناکرداراداکرتے ہوئے متعلقہ حکام سے اس بارے معاملہ اٹھائیں۔
Read more »

جاپان کے بدترین زلزلے کے بعد 57 ممالک میں سونامی وارننگ جاری

جاپان کے بدترین زلزلے کے بعد 57 ممالک کے ساحلی علاقوں میں سونامی کی ورننگ جاری کردی گئی ہے۔
جاپان میں شدید زلزلے کے بعد آسٹریلیا اور جنوبی امریکہ سمیت بحر الکاہل کے تقریباً تمام ساحلی علاقوں میں سونامی وارننگ جاری کی گئی ہے۔
پیسفک سونامی وارننگ سنٹر کے مطابق روس، فلپائن، گنی، آسٹریلیا، میکسیکو، نیوزی لینڈ، کولمبیا، پیرو، انڈونیشیا اور امریکی ریاست ہوائی کو زیادہ خطرات لاحق ہیں۔
ریڈ کراس کے مطابق اس سونامی کی اونچائی بحرِ الکاہل میں موجود بیشتر جزائر کی اونچائی سے زیادہ ہے۔
امریکی اداروں کے مطابق جاپان سے 3800 میل دور امریکی ریاست ہوائی تک سونامی کی لہریں پہنچنے میں کئی گھنٹے لگیں گے اور لہریں سطح سمند سے تقریباً دو میٹر بلند ہو سکتی ہیں۔
تائیوان اور امریکی ریاست ہوائی میں سونامی کی وارننگ کے بعد ساحلی علاقوں کو خالی کروانا شروع کر دیا گیا ہے۔
چلی کے صدر سبیسٹین پنیرا نے چلی کے عوام کو کسی بھی مصیبت سے نبرد آزما ہونے کے لیے تیار رہنے کا حکم دیا ہے۔
Read more »

کینڈی میں قومی کرکٹ ٹیم کی سخت پریکٹس

رلڈ کپ میں بیٹنگ لائن کی ناکامی کے بعد پاکستان کرکٹ ٹیم نے پریکٹس سیشنز کے دوران ٹارگٹ میچز کھیلنا شروع کر دیئے۔ کینڈی کے پالی کیلے کرکٹ اسٹیڈیم میں سخت گرمی میں قومی ٹیم نے آج دوسرے دن بھی پریکٹس کی۔ کینیڈا اور نیوزی لینڈ کیخلاف میچز میں بیٹنگ لائن ناکا م ہونے کے بعد گرین شرٹس پریکٹس میچز کھیل رہے ہیں۔ ٹیم منیجمنٹ کا کہنا ہے کہ پریکٹس کے دوران مختلف ٹیمیں بنا کرانھیں ایک خاص ٹارگٹ دیا جاتا ہے اس پریکٹس سے بیٹسمینوں کو ہدف تک پہنچنے اور کنڈیشنز سے آگاہی میں مدد ملے گی ۔ یونس خان اور کامران اکمل پریکٹس میچز میں وکٹ کیپنگ کے فرائض انجام دے رہے ہیں۔ ٹیم منیجمنٹ کا کہنا ہے کہ عمر اکمل کی چوٹ معمولی نوعیت کی ہےاور زمبابوے کیخلاف میچ میں شرکت کا قوی امکان ہے۔
Read more »

سینٹیرز کے اثاثے جاری، پیپلز پارٹی کے گل محمد امیر ترین

الیکشن کمیشن نے سینیٹرزکے اثاثوں کے گوشوارے جاری کر دیئے، پیپلزپارٹی کے گل محمد پونے تین ارب روپے اثاثوں کے ساتھ امیرترین سینیٹرہیں۔ مسلم لیگ (ن) کے پرویزرشید نے 80 ہزارروپے نقدی اور 1لاکھ 75 ہزارروپے بینک میں ظاہرکئے ہیں۔
الیکشن کمیشن کی طرف سے جاری گوشواروں کے مطابق اعظم سواتی کے ملک میں 31 کروڑ 49 لاکھ روپے کے اثاثے ہیں۔ ان کے متحدہ عرب امارات میں 1 کروڑ 60 لاکھ درہم، امریکہ میں 60 لاکھ ڈالرزکی جائیداد اور10 کروڑ80 لاکھ کی گاڑیاں ہیں۔
وسیم سجاد کے 13 کروڑ 16 لاکھ، نیربخاری کے 13 کروڑکے اثاثے ہیں۔ پیپلزپارٹی کےرحمان ملک کا لندن میں 25 لاکھ پاؤنڈ کا فلیٹ ہے، وہ بی ایم ڈبلیو گاڑی اور50 تولے سونے کے مالک بھی ہیں۔
چوہدری شجاعت تقریبا 6 کروڑروپے، بابراعوان 13 کروڑ 71 لاکھ روپے جبکہ سینیٹروقاراحمد خان نے صرف 12 لاکھ روپے کے اثاثے ظاہر کئے ہیں۔
Read more »

تبدیلی نا گزیر ہو چکی، کوئی نہیں روک سکتا: عمران خان

تحریک انصاف کے چیئرمین عمران خان نے کہا ہے کہ ملک میں تبدیلی نا گزیر ہو چکی ہے جسے اب کوئی نہیں روک سکتا ۔
لاہور کے علاقے نیو مسلم ٹاؤن میں پارٹی ورکرز سے خطاب کرتے ہوئے عمران خان کا کہنا تھا کہ تبدیلی کا کاررواں چلے گا تو کوئی گوجرانوالہ سے واپس نہیں آئے گا۔ان کا کہنا تھا کہ لوگ رواں سال خوشخبری سنیں گے اور ملک میں نیا نظام آئے گاعمران خان نے کہا کہساڑھے تین کروڑ نوجوانوں کا ووٹ ہی نہیں لیکن پیپلز پارٹی ایک کروڑ ووٹ پر حکومت کر رہی ہے۔ انہوں نے کہا کہ مسلم لیگ ن اور پیپلز پارٹی میں نورا کشتی ہے۔انہوں نے کہا کہ اب عوام کو اپنے حق کو حاصل کرنے اور ظلم کے خلاف کھڑا ہونا ہو گا۔
Read more »

کراچی: ٹارگٹ کلنگ کا سلسلہ نہ رک سکا، مزید 7افراد جاں بحق

کراچی میں فائرنگ کے واقعات میں جماعت اہلسنت کےعہدیدار سمیت تین افراد ہلاک ہوگئے جبکہ چار نوجوانوں کی لاشیں ملی ہیں جنہیں گولیاں مارکرقتل کیا گیا۔
گارڈن کے علاقے میں واقع شو مارکیٹ کے قریب الماری والی گلی سے دو نوجوانوں کی لاشیں ملیں جنہیں نامعلوم افراد نے تشدد کے بعد فائرنگ کر کے ہلاک کیا،جن میں سے ایک نوجوان کی شناخت عدنان کے نام سے ہوئی ۔سائٹ کے علاقے ہارون آباد میں پرائیوٹ سیکورٹی گارڈ 19 سالہ شمس الحق گولی چلنے سے ہلاک ہو گیا۔ اس سے پہلے کورنگی نمبر ایک کے علاقے میں صدیقیہ مسجد کے قریب نامعلوم موٹر سائیکل سواروں کی فائرنگ سے اہلسنت کورنگی کے امیر 45 سالہ سید محمود حسین شاہ جاں بحق ہو گئے۔ نیو کراچی تھانہ بلال کالونی کی حدود میں فائرنگ سے سنی تحریک بزرگ کمیٹی کے رکن ولی محمد قادری زخمی ہو گئے۔۔عزیز آباد بلاک تھری ایم بی لان کے قریب سے چھبیس سالہ نعمان کی گولیوں سے چھلنی لاش ملی۔ملیر میں میمن گوٹھ سے دو روز پُرانی لاش برآمد ہوئی جسم پر گولیوں کے نشانات ہیں۔سپر ہائی وئے پر فائرنگ سے ایک شخص ہلاک ہو گیا۔
Read more »

ورلڈکپ: نیوزی لینڈ کے ہاتھوں پاکستان کو شکست

کینڈی: نیوزی لینڈ نے پاکستان کو ایک سو دس رنز سے شکست دے دی۔ کینڈی میں کھیلے جانے والے میچ کا ٹاس نیوزی لینڈ نے جیت کر پہلے بیٹنگ کرنے کا فیصلہ کیا۔ کیوی ٹیم نے اننگز کا آغاز کیا تو شعیب اختر نے پہلے ہی اوور میں برینڈن مککلم کو بولڈ کردیا۔ چار رنز بنا کر جیمی ہاو عمر گل کی گیند پر ایل بی ڈبلیو ہوگئے۔ مارٹن گپٹل اور روس ٹیلر نے ذمہ دارانہ بیٹنگ کرتے ہوئے اسکور میں ستاون رنز کا اضافہ کیا۔ گپٹل ستاون رنز بنا کر شاہد آفریدی کا شکار بنے۔ ایک سو تیرہ کے مجموعی اسکور پر جیمز فرینکلن بھی آوٹ ہوگئے۔ اسکاٹ اسٹائرس اٹھائیس اور نیتھن مککلم انیس رنز بنا کر آوٹ ہوئے۔ نیوزی لینڈ نے روس ٹیلر کی جارحانہ بیٹنگ کی بدولت مقررہ پچاس اوور میں سات وکٹوں کے نقصان پر تین سو دو رنز بنائے۔ ٹیلر نے ناقابل شکست ایک سو اکتیس رنز کی اننگز کھیلی۔ میچ میں ایک بار پھر کامران اکمل نے ناقص وکٹ کیپنگ کا مظاہرہ کرتے ہوئے تین کیچز ڈراپ کئے۔ عمر گل نے تین کھلاڑیوں کو آؤٹ کیا۔ نیوزی لینڈ نے اننگز کے آخری پانچ اوورز میں ایک سو دو رنز اسکور کئے۔ تین سو تین رنز کے ہدف کے تعاقب میں پاکستانی ٹیم نیوزی لینڈر باؤلرز کے سامنے بالکل بے بس نظر آئی اور پاکستانی بیٹسمین ایک کے بعد ایک آؤٹ ہو کر پویلین لوٹتے رہے۔ پاکستان کی پوری ٹیم بیالیسویں اوور میں ایک سو بانوے رنز بنا کر آؤٹ ہو گئی۔ پاکستان کی جانب سے عبدالرزاق باسٹھ رنز بنا کر نمایاں رہے۔ ٹم ساؤتھی نے تین کھلاڑیوں کو آؤٹ کیا۔
Read more »

اسلام آباد:افغانستان میں قیام امن ،افغان قیادت کو شامل کیا جائے، زرداری

صدر زرداری نے کہا ہے کہ قیام امن کا عمل بیرونی نہیں بلکہ افغان قیادت کے ذریعے مکمل ہونا چاہئے، یہ یقین دھانی بھی ہونی چاہئے افغان سرزمین کسی اور ملک کیخلاف استعمال نہیں کی جائے گی ۔
برطانیہ کے قومی سلامتی کے مشیر سر پیٹر رکٹس نے ایوان صدر میں صدر آصف علی زرداری سے ملاقات کی۔ برطانیہ کے چیف آف ڈیفنس سٹاف جنرل سر ڈیوڈ رچرڈز، سیکرٹ انٹیلی جنس سروس کے سربراہ سر جان سیورز اور برطانیہ کے پاکستان میں ہائی کمشنر ایڈم تھامسن ان کے ساتھ تھے۔ وزیر داخلہ رحمان ملک، آرمی چیف جنرل اشفاق پرویز کیانی، ڈی جی آئی ایس آئی لیفٹیننٹ جنرل احمد شجاع پاشا، سیکرٹری خارجہ سلمان بشیر اور سلمان فاروقی بھی ملاقات میں موجود تھے۔ ترجمان ایوان صدرفرحت اللہ بابر کے مطابق صدر آصف علی زرداری کا کہنا تھا کہ پاکستان پرامن، مستحکم، دوست اور متحد افغانستان چاہتا ہے۔ طویل المدتی جنگ میں صرف فوج کے ذریعے کامیابی حاصل نہیں کی جا سکتی، نوجوانوں کو شدت پسندوں کے ہاتھوں میں جانے سے بچانے کیلئے مذاکرات اور ترقی و خوشحالی کا عمل بھی جاری رکھنا ہو گا۔ انہوں نے کہا کہ عالمی برادری خصوصا اتحادی ممالک پاکستان کو اپنی منڈیوں تک رسائی دیں۔
Read more »

فیصل آباد: حساس ادارے کے دفتر کے باہر دھماکہ، 24 افراد جاں بحق، 100 زخمی

فیصل آباد میں حساس ادارے کے دفتر کے باہر دھماکے سے 24 افراد جاں بحق جبکہ 100 زخمی ہوگئے۔ دھماکے سے کئی عمارتیں زمین بوس ہوگئیں۔ پولیس نے جائے وقوعہ سے فرار ہوتے ہوئے ملزم کو زخمی حالت میں گرفتار کر لیا.
سول لائنز کے علاقے میں حساس ادارے کے دفتر کے باہر زوردار بم دھماکہ ہوا جس سے قریبی سی این جی اسٹیشن، تین مکان اور دس گاڑیاں تباہ ہوگئیں۔ دھماکے سے سی این جی اسٹیشن میں آگ بھڑک اٹھی جس سے وہاں کھڑی کئی گاڑیاں بھی لپیٹ میں آگئیں۔
حادثے کے فورآ بعد قانون نافذ کرنے والے اداروں نے جائے وقوعہ کا گھیراو کر کے سرچ آپریشن کیا اور شک کی بنا پر زخمی حالت میں ایک شخص کو حراست میں لے لیا. حراست میں ئیا جانے والا 24 سالہ عثمان نامی شخص ہی دھماکے کا مرکزی ملزم نکلا جو ریموٹ کنٹرول سے دھماکہ کرنے کے بعد فرار ہونے کی کوشش میں تھا.
دھماکے کی اطلاع پر فیصل آباد کے تمام اسپتالوں میں ہنگامی حالت نافذ کردی گئی۔ زخمیوں میں زیادہ تر افراد کے جسم جھلس گئے جبکہ کئی زخمیوں کی حالت تشویشناک بتائی گئی ہے۔
دھماکے سے پی آئی اے کی عمارت کا آدھا حصہ منہدم ہو گیا، جبکہ متعدد قریبی عمارتوں کے شیشے ٹوٹ گئے. جائے وقوعہ پر موجود کئی گاڑیوں پر گولیوں کے نشانات بھی دیکھے گئے۔
ڈی سی او فیصل آباد نسیم صادق نے میڈیا سے بات کرتے ہوئے تصدیق کی کہ دھماکہ خیز مواد ایک گاڑی میں نصب کیا گیا تھا۔
Read more »

سپریم کورٹ کا پنجاب پولیس میں شولڈر پروموشن 3دن میں ختم کرنے کا حکم

سپریم کورٹ نے پنجاب پولیس میں خلاف ضابطہ ترقیوں پر رپورٹ طلب کر لی ۔جبکہ ترقیوں پر نظر ثانی اور شولڈر پرموشنز تین دن میں ختم کرنے کا حکم بھی دیا ہے۔
پنجاب پولیس میں خلاف ضابطہ ترقیوں سے متعلق کیس کی سماعت جسٹس جاوید اقبال کی سربراہی میں سپریم کورٹ کے تین رکنی بینچ نے کی ۔عدالت نے پنجاب پولیس میں خلاف ضابطہ ترقیوں پر ایڈیشنل آئی جی سے رپورٹ طلب کر لی جبکہ شولڈر پرموشنز تین دن میں ختم کرکے تین روز میں تعمیلی رپورٹ جمع کروانے کا حکم دیا ہے ۔عدالت کا کہنا تھا کہ معمول سے ہٹ کر ترقیاں غیر قانونی ہیں۔ ترقیوں پرنظر ثانی کی جائےاور چار ہفتوں میں رپورٹ دی جائے۔
Read more »

شہباز بھٹی قتل میں استعمال ہونے والی گاڑی برآمد کرلی :گورنر کھوسہ

گورنرپنجاب لطیف کھوسہ نے کہا ہے کہ شہباز بھٹی کے قتل میں استعمال ہونے والی گاڑی برآمد کر لی گئی ۔ کچھ لوگ بھی گرفتار کئے ہیں
گورنر پنجاب لطیف کھوسہ نے فاطمہ جناح یونیورسٹی کے دورہ کے موقع پر میڈیا سے بات چیت کر تے ہوئے کہا کہ پرویز مشرف کے وارنٹ گرفتاری عدالت نے جاری کیےجن پرقانون کے مطابق کارروائی کی جائے گی ۔ان کا کہنا تھا کہ ریمنڈ ڈیوس کے معاملے پر پنجاب اور وفاق میں کوئی تصادم نہیں ۔ فیصلہ عدالت کرے گی ۔ انہوں نے کہا کہ پنجاب کے تعلیمی بورڈ زمیں ہونے والی بدنظمی پر پنجاب حکومت نے سخت ایکشن لیا ہے۔گورنر نے یونیورسٹی کے ایف ایم ریڈیو پر اپنا پیغام بھی ریکارڈ کروایا۔
Read more »

تنقید کرنا حق ہے لیکن کھلاڑی اپنی ذمہ داریوں سے آگاہ ہیں: انتخاب عالم

قومی ٹیم کے منیجر انتخاب عالم کا کہنا ہے کہ تنقید کرنا سب کا حق ہے لیکن کھلاڑی اپنی ذمہ داریوں سے مکمل اگاہ ہیں۔
سری لنکا کے شہر کینڈی میں پاکستان ٹیم کے پریکٹس سیشن کے دوران میڈیا سے گفتگو کرتے ہوئے انتخاب عالم نے کہا کہ بعض مبصرین پاکستانی ٹیم پر تنقید کر رہے ہیں لیکن وہ بھی سوئے ہوئے نہیں۔ انہوں نے واضح کیا کہ کسی میچ میں حتمی 11 کھلاڑی کھلانے کا فیصلہ آنکھیں بند کر کے نہیں کیا جاتا۔
انتخاب عالم کا کہنا تھا کہ جب سری لنکا آئے تھے تو پاکستان ٹیم فیورٹ نہیں تھی، تاہم اب صورتحال مختلف ہو چکی ہے۔ نیوزی لینڈ کیخلاف میچ کے حوالے سے انہوں نے کہا کہ لیفٹ آرم اسپنر عبدالرحمن خود کو فٹ قرار دے رہے ہیں، تاہم ان کی ٹیم میں شمولیت کا فیصلہ بعد میں کیا جائے گا۔
Read more »

لیبیا: طرابلس میں فوج کی کامیابی پر صدر کے حامیوں کا جشن

لیبیا کے دارالحکومت طرابلس میں فوج کی کامیابی پر صدر کے حامیوں نے جشن منایا۔ ایک غیر ملکی خبر رساں ادارے کے مطابق شہر کے مختلف حصوں سے فائرنگ کی آواز سنی گئی۔
سرکاری ترجمان موسیٰ ابراہیم نے طرابلس میں کسی قسم کی لڑائی کی تردید کرتے ہوئے کہا کہ صدر کے حامی ملک کے مختلف حصوں میں فوج کے دوبارہ قبضے پر خوشی منا رہے ہیں۔
سرکاری ٹی وی کے مطابق صدر کی حامی فوجوں نے بن جواد، بن غازی، تبروک، راس لانوف اور زاویہ پر دوبارہ قبضہ کر لیا ہے، جبکہ حکومت مخالفین نے اسکی تردید کی ہے۔
راس لانوف سے صدر مخالف فوجوں کے کمانڈر بشیر عبدالغدیر نے ایک پریس کانفرنس میں کہا کہ انکی فوج نے بن جواد کے قریبی قصبے النفلیہ پر قبضہ کر لیا ہے۔
Read more »

ریمنڈ ڈیوس کیس میں قومی مفاد کے خلاف کوئی فیصلہ نہیں ہو گا :وزیراعظم گیلانی

وزیر اعظم سید یوسف رضا گیلانی نے کہا ہے کہ ریمنڈ ڈیوس کیس میں قومی مفاد کے خلاف کوئی فیصلہ نہیں ہو گا،پارلیمنٹ کے علاوہ کسی کو اختیار نہیں کہ وہ آئن میں ترمیم کر سکے ۔ 
اسلام آباد میں سینئر صحافیوں اور کالم نگاروں سے ملاقات کے دورا ن وزیر اعظم نے کہا کہ بڑے قومی اداروں کی تنظم نو کر رہے ہں جس کا ملکی معشتم پر مثبت اثر پڑےگا۔ وزیر اعظم نے مزید کہا کہ تمام ملکی مسائل پر ساقسی اور مذہبی جماعتون کو اعتماد مں لاں جائے گا ۔
Read more »

صدرزرداری کی جانب سے بابراعوان کے خلاف فردجرم پر اظہارافسوس

پیپلز پارٹی کے شریک چئیرمین آصف علی زردار ی نے وفاقی وزیر قانون بابر اعوان کیخلاف بارہ سال قبل ڈکیتی اور اغوا کے مقدمے میں فرد جرم عائد کے جانے پر افسوس کا اظہار کیا ہے۔
صدارتی ترجمان فرحت اللہ بابر کے مطابق آصف علی زرداری نے کہا ہے کہ صوبہ پنجاب کی عدالت میں بابر اعوان کیخلاف بارہ سال قبل کے سیاسی بنیاد پر قائم مقدمے میں فرد جرم کا عائد ہونا عدلیہ کی آزادی، انصاف کے عمل اور سیاسی روایات کے منافی ہے۔ انہوں نے کہا کہ جس وقت یہ مقدمہ قائم ہوا اس وقت بابر اعوان آصف زرداری کے وکیل صفائی کے طور پر عدالتوں میں پیش ہو رہے تھے۔ شریک چیئرمین نے امید ظاہر کی ہے کہ سول سوسائٹی، بار ایسوسی ایشنز اور باشعور شہری اس صورتحال کا سنجیدگی سے نوٹس لیں گے۔ راولپنڈی میں سول جج کی عدالت میں وزیر قانون خود پیش ہوئے اور مؤقف پیش کیا تھا کہ ان کے خلاف الزامات بے بنیاد اور سیاسی بنیادوں پر عائد کئے گئے
Read more »

یونیفکیشن بلاک کے 11 اراکین قائمہ کمیٹیوں کی سربراہی سے مستعفی

یونیفیکیشن بلاک کے گیارہ اراکین نے پنجاب اسمبلی کی قائمہ کمیٹیوں کی سربراہی سے باضابطہ استعفٰی دے دیاہے۔ جبکہ وزیراعلٰی پنجاب کے معاون خصوصی کے منصب سے بھی تین رہنما الگ ہوگئے ہیں۔
یونیفیکیشن بلاک نے پنجاب حکومت کی غیر مشروط حمایت کا اعلان کر کے وزارتیں نہ لینے کا اعلان کیا ہے اور اس کے ساتھ ساتھ اسمبلی کے اندر پہلے سے حاصل قائمہ کمیٹیوں کی چیئرمین شپ اور وزیراعلٰی پنجاب کے معاون خصوصی کےعہدوں سے بھی علیحدگی اختیار کرلی ہے۔
دستبردار ہونے والے رہنماوں نے اپنے استعفے وزیر قانون رانا ثناءاللہ کے سپرد کردیئے ہیں۔ رانا ثناء اللہ نے استعفے موصول ہونے کی تصدیق کی ہے۔
ذرائع کا کہنا ہے کہ قائمہ کمیٹیوں کی سربراہی حکومتی عہدہ نہیں ہے اس وجہ سے اسپیکر پنجاب اسمبلی کے ذریعے یہ استعفے مسترد کردئیے جائیں گے۔ البتہ وزیراعلٰی کے معاون خصوصی کے منصب سے مستعفی ہونیوالے یونیفکیشن بلاک کے تینوں رہنماؤں کے استعفے قبول کرلئے جائیں گے۔
Read more »

ورلڈ کپ2011: ویسٹ انڈیزکی بنگلہ دیش کےخلاف9وکٹوں سے کامیابی

بنگلہ دیش نے پہلے کھیلتے ہوئے 18.5اوورز میں 58رنز بنائے،ویسٹ انڈیز نے مطلوبہ ہدف 12.2اوورز میں ایک وکٹ کے نقصان پر پورا کر لیا ۔ ۔
ڈھاکہ مں جاری مچٹ مںا ٹاس بنگلہ دیش کے کپتان شکبی الحسن نے ٹاس جیت کرپہلے بٹنگ کا فصلہص کات ۔ بنگالی کپتان کا یہ فصلہر سود مند ثابت نہ ہوا اور بنگلہ دیش کی پوری ٹم صرف 58 رنز پر پوینٹن لوٹ گئی ۔ صرف جندو صدیین اور اشرافل ڈبل فیگرز مںد داخل ہوسکے ۔ جندئ نے 25 اور اشرافل نے 11 رنز بنائے ۔ویسٹ انڈیز کی جانب سے سلما ن بن نے چار، کما ر روچ اور ڈیرن سیخل نے تنن ، تنن وکٹںک حاصل کںل ۔ ویسٹ انڈینز نے مطلوبہ ہدف ترنہویں اوور مںر ایک وکٹ کے نقصان پر حاصل کاو ۔ڈیرن سمتھ چھہ رنز بنا کر آؤٹ ہوئے جبکہ کرس گیل 37 اور ڈیرن براوو 9 رنز کسارتھ ناٹ آؤٹ رہے ۔
Read more »

 
ujaalanews.com | OnLine Tv Chennals | Shahid Riaz