پاکستانی حکام نے عبد الرؤف ریگی کو گرفتار کر لیا، ایرانی ٹی وی
ایرانی ٹی وی نے دعویٰ کیا ہے کہ کالعدم تنظیم جند اللہ کے سربراہ عبد الرؤف ریگی کو پاکستان سے گرفتار کرلیا گیا ہے۔ ایرانی سرکاری ٹی وی کے مطابق پاکستانی حکام نے جند اللہ کے نئے سربراہ کی سکیورٹی فورسز کے ہاتھوں گرفتاری کی تصدیق کی ہے۔ کالعدم تنظیم جند اللہ ایران میں بم دھماکوں، قتل اور دہشت گرد حملوں میں ملوث ہے۔ اس کے رہنما عبدالمالک ریگی کو فروری 2010میں ایران کی سکیورٹی فورسز نے گرفتار کیا تھا اور اسے جون میں پھانسی دے دی گئی تھی۔20 دسمبر کو ایرانی صدر محمود احمدی نژاد نے پاکستانی ہم منصب آصف علی زرداری سے فون پر گفتگو میں مطالبہ کیا تھا کہ دہشت گردوں کو گرفتار کے انہیں ایران کے حوالے کیا جائے۔
Pakistan Rupee Exchange Rate
