بجٹ آنیوالا ہے دل تھام لو

بجٹ کی آمد آمد ہے اور ابھی سے ذہنوں میں ایک خیال جنم لے رہا ہے کہ یہ بجٹ کیسا ہوگا؟کیونکہ ہر سال کی طرح بجٹ عوام کے دلوں پہ بجلی گراتا گزر جاتا ہے اور غریب سوچتا رہ جاتا ہے کہ اب کیا ہوگا؟بجٹ کے اعلان سے پہلے کچھ کہنا قبل از وقت ہے البتہ سبزیاں ،دالیں ،گھی ،آٹا،گوشت ، چینی، انڈے ،مرغی کا گوشت اور دیگر روز مرہ کی اشیاء مہنگی ہوتی جارہی ہیں، اب سنا ہے کہ ویلو ایڈیڈ ٹیکس کا نفاذ بھی عمل میں آنے والا ہے، بجلی کی لوڈ شیڈنگ کی وجہ سے پیداوارکم سے کم ہورہی ہے، جن کے خلاف صنعتی طبقہ کسان اور مزدور کارخانہ دار اور بزنس مین بھی پریشان ہے، جبکہ آمدنی میں اضافہ نہ ہونے کے برابر ہے ایسی صورت میں حکومت عوام کو ریلیف نہیں دے رہی ہے، اگر مزید ٹیکسوں کا بوجھ لاد دیا گیا تو کیا ہوگا؟ اب تعلیمی اداروں کی فیس پر بھی یہ ٹیکس لاگو کرنے کی تجویز ہے، جس کا بوجھ والدین کو اٹھانا ہوگا، کیا آپ سمجھتے ہیں کہ اس مرتبہ عوام کو ریلیف مل سکے گا؟ یہ بجٹ عوام کی توقعات پہ پورا اتر سکے گا؟

ویلو ایڈیڈ ٹیکس عوام پہ بجلی گرانے کا مترادف نہیں ہوگا؟

Read more »

ہم شکل کے پاسپورٹ پر یونان آنے کی کوشش ناکام بنا دی گئی

لاہور(جالانیوز)لاہور ائر پورٹ سے ہم شکل کے پاسپورٹ پر ایتھنز پہنچنے کی کوشش کوناکام بنا دیاگیا۔ایف آئی اے لاہور کے امیگریشن حکام کے مطابق ایتھنز جانے والے محمد شہباز نامی ایک مسافر کو آف لوڈ کردیاگیاجوکہ اپنے ایک ہم شکل کے پاسپورٹ پریونان جانے کے لیے علامہ اقبال ائر پورٹ سے ایک نجی ائرلائنز کے ذریعہ سے اس کوشش میںتھا۔حکام کاکہناہے کہ محمد شہباز کے پاس سے یونانی دستاویزات جن ورک پرمٹ وغیر ہ تھے برآمد ہوئے اس کو تب چیک کیاگیا جب وہ امیگریشن کاؤنٹر پر آیا تو انسپکٹر محمد احمد نے اس کاپاسپورٹ چیک کیا جس پر ان کو شک گذرا توانھوں نے مزید غورکرنے پر معلوم ہواکہ وہ اصل بندہ نہیں ہے بلکہ اس کاہم شکل ہے جس کو ایتھنز میں بابر حسین نامی ایجنٹ نے سپانسر کیاتھا تمام صورت حال واضح ہونے پر ملزم کوحراست میں لے کرمزید تفیتش کی خاطر مقدمہ درج کرلیاہے۔

Read more »

بجٹ آنیوالا ہے دل تھام لو

بجٹ کی آمد آمد ہے اور ابھی سے ذہنوں میں ایک خیال جنم لے رہا ہے کہ یہ بجٹ کیسا ہوگا؟کیونکہ ہر سال کی طرح بجٹ عوام کے دلوں پہ بجلی گراتا گزر جاتا ہے اور غریب سوچتا رہ جاتا ہے کہ اب کیا ہوگا؟بجٹ کے اعلان سے پہلے کچھ کہنا قبل از وقت ہے البتہ سبزیاں ،دالیں ،گھی ،آٹا،گوشت ، چینی، انڈے ،مرغی کا گوشت اور دیگر روز مرہ کی اشیاء مہنگی ہوتی جارہی ہیں، اب سنا ہے کہ ویلو ایڈیڈ ٹیکس کا نفاذ بھی عمل میں آنے والا ہے، بجلی کی لوڈ شیڈنگ کی وجہ سے پیداوارکم سے کم ہورہی ہے، جن کے خلاف صنعتی طبقہ کسان اور مزدور کارخانہ دار اور بزنس مین بھی پریشان ہے، جبکہ آمدنی میں اضافہ نہ ہونے کے برابر ہے ایسی صورت میں حکومت عوام کو ریلیف نہیں دے رہی ہے، اگر مزید ٹیکسوں کا بوجھ لاد دیا گیا تو کیا ہوگا؟ اب تعلیمی اداروں کی فیس پر بھی یہ ٹیکس لاگو کرنے کی تجویز ہے، جس کا بوجھ والدین کو اٹھانا ہوگا، کیا آپ سمجھتے ہیں کہ اس مرتبہ عوام کو ریلیف مل سکے گا؟ یہ بجٹ عوام کی توقعات پہ پورا اتر سکے گا؟

Read more »

شاہد آفریدی قومی ٹیم کے نئے کپتان

پاکستان کرکٹ بورڈ نے شاہد آفریدی کو T-20کے ساتھ ساتھ ون ڈے اور ٹیسٹ کے لیے بھی قومی ٹیم کاکپتان مقرر کر دیا ہے۔ شاہد آفریدی اپنے جارحانہ کھیل کی وجہ سے شائقین کرکٹ میں پسندیدگی کی نظر سے دیکھے جاتے ہیں۔ میدان میں ان کی موجودگی تماشائیوں میں جو ش و ولولے کا باعث بنی رہتی ہے۔ تاہم حال میں ویسٹ انڈیز میں ہونے والے T-20 ورلڈ کپ میں قومی ٹیم کی قیادت کرتے ہوئے وہ شائقین کو اپنے روایتی کھیل سے محظوظ نہیں کر پائے۔ زوردار بیٹنگ اور جادوئی بولنگ میں ناکامی کے ساتھ ساتھ کپتان کی حیثیت سے بھی ان کے فیصلوں میں خامیاں دکھائی دیں ۔جسے انہوں نے خود بھی تسلیم کیا ہے۔ تجزیہ نگاروں کی بھی یہی رائے تھی کہ انہیں مستقل طور پر کپتان بنا دیا جائے تو وہ اپنے آپ کو منوانے میں کامیاب ہو جائیں گے۔دیکھنا یہ کہ شاہد آفریدی جنہیں ایک ایسی ٹیم کی کپتانی سونپی گئی ہے۔جس میں ہر دوسرا کھلاڑی اپنے کپتان کو ہٹا کر خود کپتان بننے کے خواب دیکھتا ہے۔ سینئر اپنے جونئیر کی قیادت میں کھیلتے ہوئے سبکی محسوس کرتا ہے۔ کئی کھلاڑی مل کر ایک دوسرے کے خلاف گروپ بندی کرتے ہیں۔اور قرآن پر حلف اٹھانے سے بھی گریز نہیں کرتے۔ ایک بھائی کوناقص کارکردگی پر باہر بٹھا یا جائے تو دوسرے بھائی کی کمر میں چوک پڑ جاتی ہے۔ نوجوان فاسٹ بولر فیلڈنگ کے لیے وہاں کھڑے ہونا پسند کرتے ہیں جہاں لڑکیاں زیادہ ہوں۔ اور خود شاہد آفریدی کوئی وکٹ نہ لے پائیں تو گیند چبانے لگتے ہیں۔ اس صورتحال میں وہ مستقل بنیادوں پر کپتانی کا بوجھ کیسے برداشت کر پائیں گے۔یہ ایک ایسا سوال ہے جس کاجواب ایشیا کپ اور دورہ ء انگلید کے دوران مل جائے گا۔ لیکن آپ کی ماہرانہ رائے بھی سامنے آجائے تو یقینی طور پر قومی ٹیم کی اصلاح بھی ہو سکتی ہے۔اور کپتان شاہد آفریدی اسے جیت کی راہ پر گامزن بھی کر سکتے ہیں۔

Read more »

ہنزہ کی خطرناک جھیل ۔۔۔ایک اور انسانی المیہ

ہنزہ کے علاقے عطاآباد میں لینڈ سلائیڈنگ سے بننے والی جھیل کی وجہ سے کئی دیہات زیرآب آچکے ہیں۔ علاقے سے بڑے پیمانے پر آبادی کا انخلاء ہوا ہے۔ جبکہ ناگہانی کا شکار ہونے والے کئی خاندان اب بھی کسمپرسی کی حالت میں جھیل کے بڑھتے ہوئے پانی کے خطرے سے دوچار ہیں۔ پاکستان کے سب سے بڑے چینل جیو نیوز نے سب سے پہلے اس انسانی المیے سے قوم کو آگاہ کیا اور حکمرانوں کو احساس دلانے کی کوشش کی کہ اگر فوری طور پر اس خطرناک جھیل کی شکل میں رونما ہونے والے اژدھے کا منہ بند نہ کیا گیاتو یہ کسی علاقے میں بڑے پیمانے پر تباہی پھیلانے کے ساتھ ساتھ ہزاروں کی تعداد میں جیتے جاگتے انسانوں کو نگل لے گا۔پچھلے کئی دنوں سے ناگہانی کا شکار ہونے والے علاقے سے جیو کی لائیو کوریج جاری ہے۔اور شمالی علاقوں میں آنے والے زلزلے کے بعد ہنزہ جھیل کی شکل میں پیدا ہونے ایک اور انسانی المیے سے پیدا ہونے والے مصائب کی نشاندہی کی جارہی ہے لیکن وزریراعظم یوسف رضا گیلانی کے دورہ ء ہنزہ اور متاثرہ آبادی سے ملنے کے باوجود ابھی تک لوگوں کو محفوظ مقامات پر منتقل کرنے یا انہیں کسی قسم کا ریلیف فراہم کرنے کا اعلان نہیں کیاگیا۔جس کی وجہ سے متاثرین ہنزہ جھیل میں شدید غم وغصہ پایا جاتاہے۔اور وہ یہ کہنے پر مجبور ہیں کہ انہیں حکومت نے بے آسرا چھوڑ رکھا ہے۔اور ان کے پاس سوائے اس کے کوئی چارہ نہیں کہ وہ جھیل میں ڈوب مریں۔

Read more »

سعید اجمل کو صدمہ!

پاکستانی کرکٹ ٹیم کے آف اسپنر اور ٹی ٹوئنٹی ورلڈکپ سیمی فائنل کے آخری اوورز میں 23 رنز کے شکار سعید اجمل نے کہا ہے کہ وہ ابھی تک شکست کے صدمے سے باہر نہیں آسکے۔ ایک ویب سائٹ کو دیئے گئے انٹرویو میں انہوں نے کہا کہ آخری اوور میں مائیکل ہسی کی شاندار اننگز اور دھواں دار بیٹنگ نے مجھے صدمے سے دوچار کر دیا، یہ میرے لئے مشکل اور جذباتی وقت ہے اور جس کیفیت سے گزر رہا ہوں اس کو بیان نہیں کر سکتا۔ ساتھی کھلاڑیوں نے میری ہر ممکن دلجوئی کی تاہم میں اب بھی اپ سیٹ ہوں کیونکہ میری بولنگ اچھی نہیں رہی تھی۔ سعید اجمل نے کہا کہ ناکامی کے بعد ہر ایک نے میرے پاس آکر مجھ سے کہا کہ ہم متحد ہو کر کھیلے ہماری کارکردگی اچھی رہی، سب کا کہنا تھا کہ ناکامی کا ذمہ دار میں نہیں ہوں کسی نے بھی مجھ پر انگلی نہیں اٹھائی۔ انہوں نے کہا کہ منصوبے کے مطابق مجھے مائیکل ہسی کو تیز یارکر پھینکنی تھی پہلی گیند درست انداز میں پڑی جو جانسن نے کھیلی مگر ایک رن کے بعد مائیکل ہسی کریز پر آگئے اور اچانک تیز ہوا چلنے لگی اور تیز یارکر پھینک سکا اور نہ ہی لائن لیتھ قائم رہ سکی۔ انہوں نے کہا کہ اس صدمے سے باہر نکل کر ایشیا کپ کیلئے تیاری کروں گا۔ مجھے اپنی صلاحیتوں پر بھروسا ہے اور یقین ہے کہ میں سینٹ لوسیا کے بعد ایشیا کپ میں دوبارہ بہتر انداز میں بولنگ کر سکوں گا۔ انہوں نے مزید کہا کہ ٹی ٹوئنٹی ورلڈکپ کے سیمی فائنل کو وہ اپنی زندگی کا بدترین میچ قرار دیں گے جس میں جیتا ہوا میچ پاکستان کے ہاتھ سے نکل گیا۔

Read more »

رحمن ملک کی سزا معاف؟

صدر آصف علی زرداری نے وزیر داخلہ رحمن ملک کو احتساب عدالت کی جانب سے دی گئی سزائیں معاف کردی ہیں، صدارتی ترجمان سینیٹر فرحت الله بابر نے بتایا کہ صدر نے رحمن ملک کو احتساب عدالت کی جانب سے جنوری 2004 میں ان کی غیرحاضری میں دی گئی سزائیں آئین کے آرٹیکل 45 کے تحت معاف کردی ہیں۔ صدر نے یہ اقدام وزیراعظم کی ایڈوائس پر کیا ہے۔ آرٹیکل 45 کے مطابق صدر کو کسی بھی عدالت کی طرف سے دی گئی سزا ختم کرنے، معطل کرنے یا اس میں کمی کرنے کا اختیار حاصل ہے۔ فرحت الله بابر نے بتایا کہ رحمن ملک کو ان کی غیرحاضری میں نیب آرڈیننس کی دفعہ 31 کے تحت 2004 میں تین سال کی سزا دی گئی تھی۔ انہوں نے سزا کے خلاف لاہور ہائی کورٹ میں اپیل دائر کی تھی، ان کی اپیل منظور نہیں ہوسکی۔ رحمن ملک کا یہ موقف تھا کہ انہیں ان کی غیرحاضری میں سیاسی وجوہات کی بناء پر انتقامی کارروائی کا نشانہ بنایا گیا تھا اور یہ قانون جنرل پرویز مشرف نے اپنے سیاسی مخالفین کو انتقام کا نشانہ بنانے کیلئے خاص طور پر جاری کیا تھا۔

رحمن ملک کی سزاکی معافی حکومت اور عدلیہ میں تصادم کا باعث نہیں بنے گا؟

Read more »

شاندار کھیل اور افسوسناک شکست !

پاکستانی قوم نیک تمناؤں کے ساتھ قومی کرکٹ ٹیم کے لئے دعائیں کرتی رہ گئی اورآسٹریلوی بیٹسمین مائیک ہسی نے شاندار بیٹنگ کا مظاہرہ کرتے ہوئے جیتا ہوا میچ پاکستان کے ہاتھ سے چھین لیا،ایک موقع پر پاکستان کی فتح یقینی نظر آرہی تھی۔قومی ٹیم نے کھیل ہر شعبے میں عمدہ کارکردگی کا مظاہرہ کیا، اس سیمی فائنل کو بجا طور پر ٹورنامنٹ کا سب سے دلچسپ اور سنسنی خیز مقابلہ قرار دیا جاسکتا ہے۔آپ کے خیال میں میچ کا ٹرننگ پوائنٹ کیا تھا اور شکست سے کس طرح بچا جاسکتا تھا؟اکمل برادران نے بھی اپنے کیریئر کی شاندار بیٹنگ کرتے ہوئے قومی ٹیم کے اسکور کو 191 رنز تک پہنچانے میں اہم کردار ادا کیا۔سابق ٹیسٹ کرکٹرز نے بھی اس میچ میں قومی ٹیم کی کارکردگی کو سراہا ہے اور کہا ہے کہ ہارجیت کھیل کا حصہ ہے خوشی اس بات کی ہے کہ قومی ٹیم شاندار مقابلے کے بعد ہاری۔

Read more »

جسٹس افتخار محمد چوہدری کے خلاف ریفرنس

چیف جسٹس آف پاکستان جناب جسٹس افتخار محمد چوہدری کے خلاف سپریم جوڈیشل کونسل میں دائر صدارتی ریفرنس کی سماعت ہو رہی ہے۔ قائم مقام چیف جسٹس جناب جسٹس جاوید اقبال نے جسٹس افتخار چوہدری کے ساتھ پولیس کے ناروا سلوک کا ازخود نوٹس لیتے ہوئے کہا ہے کہ ان کے ساتھ برا سلوک کرنے والوں کے خلاف کارروائی کی جائے گی۔جسٹس افتخار چوہدری کے خلاف ریفرنس دائر کیے جانے کے خلاف وکلاء کا ملک گیر احتجاج بھی جاری ہے۔ اور انہوں نے عدالتوں کا بائیکاٹ کر رکھا ہے۔ جبکہ حکومت اس اقدام کو آئین اور قانون کے عین مطابق قرار دے رہی ہے اور وزراء کا کہنا ہے کہ وکلاء بعض سیاسی جماعتوں کے آلہء کار بن کر حالات خراب کرنے کی کوشش کر رہے ہیں۔ جسٹس افتخار چوہدری نے مستعفی ہونے سے انکار کر دیا ہے ۔ ان کا کہنا ہے کہ ا ن کے ہاتھ صاف ہیں اور وہ تمام الزامات کا سامنا کریں گے ۔قائم مقام چیف جسٹس جناب جسٹس جاوید اقبال نے کہا ہے کہ شخصیات کو نہیں اداروں کو مضبوط کیا جانا چاہیے۔ ہمارے لیے سب سے اہم قانون اور آئین ہے۔ جو کچھ بھی ہو گا قانون کے مطابق ہو گا۔

Read more »

میڈیا پر پابندیاں

مارشل لائی ایمرجنسی کی آندھی نے جس طرح نجی ٹیلی ویثرن چینلز کے روشن دیئے بجھادیئے ہیں اس کااثر پورے ملک کی ذہنی اور سماجی زندگی پر پڑ رہا ہے۔ ہر طرف تشویش ، بے یقینی اور افسردگی کا سماں ہے۔ اخبارات پر بھی نئی پابندیاں عائد کردی گئی ہیں اور جنگ گروپ کے پریس کو سیل کرنے کی دھمکی بھی دی گئی۔ وہی حکمراں جو سینہ پھلاکر میڈیا کو بے مثال آزادی دینے کا دعویٰ کرتے نہ تھکتے تھے اب عوام کو معلومات حاصل کرنے اور اظہار کی آزادی کے بنیادی، انسانی اور آئینی حقوق سے محروم کررہے ہیں۔ پاکستان کی سیاسی تاریخ میں میڈیا کی آزادی کو کبھی اس طرح سلب نہیں کیا گیا کیوں کہ اس دفعہ غیر ملکی نیوز چینلز کے ساتھ ساتھ جیو کے انٹرٹینمنٹ اور اسپورٹس چینلز بھی بند کر دیئے گئے ہیں۔بلکہ ایسا لگتا ہے کہ جیو اور جنگ گروپ کو خاص نشانہ بنایاجارہا ہے۔

اس پریشان کن اور اضطرابی صورتحال نے آپ کی زندگی کو کس طرح متاثر کیا ہے؟ غیر مصدقہ خبروں اورا فواہوں کی دھند میں آپ کیا دیکھ رہے ہیں؟ ان حالات میں آپ کیا محسوس کرتے ہیں ہمیں بتایئے۔ جو نیوز چینلز آپ کی روزانہ زندگی کا حصہ تھے ان کے بغیر آپ کے شب و روز کیسے گزر رہے ہیں؟ اپنے تاثرات، اپنی رائے، اپنے مشورے، مختصر الفاظ میں بیان کیجئے۔

Read more »

اساتذہ کی ٹارگٹ کلنگ : ایک لمحہ فکریہ؟

پاکستان کے مختلف شہروں میں سیاسی کارکنوں کے ساتھ ساتھ اب اساتذہ کوبھی ٹارگٹ کلنگ کانشانہ بنایا جارہا ہے ۔ کوئٹہ ،لاہور اور کراچی میں اس طرح کی وارداتیں رونما ہورہی ہیں ۔جس پر طلباء اور اساتذہ سراپا احتجاج بنے ہوئے ہیں، اساتذہ کا قتل علم کی خدمات کا قتل ہے، تعلیم و تربیت کی راہ میں رکاوٹ ڈالنے والے کسی عبرتناک سزا کے مستحق نہیں ہیں،؟ اسی طرح کوئٹہ میں نامعلوم افراد کی فائرنگ سے بلوچستان یونیورسٹی کی ایک خاتون پروفیسر جاں بحق ہوگئی ۔ 48سالہ ناظمہ طالب یونیورسٹی میں اپنے فرائض کی ادائیگی کے بعد رکشے میں سوار ہوکر گھر جارہی تھیں کہ اس دوران نامعلوم مسلح افراد نے ان پر فائرنگ کردی جس سے وہ زخمی ہوگئیں۔ انہیں شدید زخمی حالت میں اسپتال لیجایا جارہا تھا کہ وہ راستے میں ہی دم توڑ گئیں۔ ناظمہ طالب گزشتہ بیس سال سے بلوچستان یونیورسٹی میں شعبہ ابلاغیات عامہ میں پروفیسر کی خدمات سرانجام دے رہی تھیں۔وزیراعلیٰ بلوچستان نے واقعے کی مذمت کرتے ہوئے ملزموں کی جلد گرفتاری کا حکم دیا ہے۔ کوئٹہ میں اس سے قبل بھی غیر مقامی اساتذہ، سرکاری افسران واہلکاروں اور عام شہریوں کو دہشتگردی کا نشانہ بنایا جاچکا ہے اور اب بلوچستان یونیورسٹی کی خاتون پروفیسر کو دہشتگردی کا نشانہ بنایا گیا ہے۔ جو سب کے لئے لمحہ فکریہ ہے ۔

کیا اساتذہ کو تحفظ فراہم کرنا حکومت کا فرض اولین نہیں ہے؟

قوم کے ذہین ترین اہل علم و دانش جیسے افراد کا قتل لمحہ فکریہ نہیں ہے؟

Read more »

کشمیر میں امن کے پھول کب کھلیں گے ؟

سابق وزیرخارجہ خورشید قصوری نے جنگ گروپ اورٹائمز آف انڈیا کے زیراہتمام لاہور میں”امن کی آشا“ سیمینار سے خطاب کرتے ہوئے انکشاف کیا ہے کہ پاکستان اور بھارت گزشتہ دورحکومت میں مسئلہ کشمیر کے حل کے قریب پہنچ چکے تھے۔ایک مشترکہ لائحہ عمل بھی طے کر لیا گیا تھا۔دوطرفہ مذاکرات میں کشمیری رہنماؤں کو بھی شریک رکھا گیا اوران کے حق خودارادیت کے مطالبے کو سامنے رکھتے ہوئے مقبوضہ کشمیر سے بھارتی افواج کے انخلاء کی بھی بات کی گئی تھی۔خورشید قصوری کے مطابق دونوں ملکوں میں کچھ لو اور کچھ دو کے فارمولے کے تحت معاملات طے کرتے ہوئے یہ بھی اتفاق ہوا تھا کہ مسئلہ کشمیر کے حل کے حوالے سے کوئی بھی فتح کے نعرے نہیں لگائے گا۔مشترکہ لائحہ عمل پر عملدرآمد کے سلسلے میں یہ بھی طے پایاتھا کہ بھارتی وزیراعظم 2006ء میں پاکستان کا دورہ کریں گے۔لیکن پاکستان میں چیف جسٹس کو ان کے عہدے سے ہٹائے جانے کی وجہ سے جو بحران ہوا اس نے مسئلہ کشمیر کے حل کے لیے ہونے والی پیش رفت کو پیچھے چھوڑدیا۔

ماضی میں بھی کئی ایک مواقع پر دونوں ملکوں کے درمیان مذاکرات ہوئے ہیں اور ہم مسئلہ کشمیر سمیت بہت سے دوطرفہ مسائل کے حل کے قریب پہنچ جاتے رہے ہیں لیکن کوئی نہ کوئی وقتی سانحہ یاحادثہ نہ صرف ان مذاکرات کے تعطل کا باعث بن جاتا ہے بلکہہم ایک بار پھر انہی خاردارتاروں کے پیچھے چلے جاتے ہیں جہاں سرحدی جھڑپیں روزانہ کا معمول بن جاتی ہیں۔

حکومتی سطح پر ہونے والے مذاکرات کی اہمیت وافادیت اپنی جگہ لیکن اب دونوں ملکوں کے بڑے اخباری گروپوں نے اپنے طور پر سرحد پار کے لوگوں کو ایک دوسرے کے قریب لانے کا بیڑہ اٹھایا ہے۔ اس مشترکہ کوشش کو ”امن کی آشا “ کا نام دیا گیا ہے۔ہو سکتا ہے یہی امن کی آشا آنے والے دنوں میں امن کی نوید بن جائے ۔ سرحدوں پر بچھائے جانے والے خاردار تاروں کی جگہ پھولوں کے باڑ لگے ہوں ۔اور کشمیر جو گزشتہ ساٹھ برسوں سے امن کی تلاش میں ہے ۔اسے بھی اپنی منزل مل جائے ۔

Read more »

ICC World Twenty20, 2010 The ICC World Twenty20 2010 is a 20/20 cricket tournament scheduled to take place in West Indies in April-May 2010. It will be the third World Twenty20 cricket series. The ICC World Twenty20 2010 will be contested by 12 teams which have been 'seeded' and divided into four groups are A, B, C and D. Group A - Pakistan (A1), Bangladesh (A2) and Australia Group B - Sri Lanka (B1), New Zealand (B2) and Zimbabwe Group C - South Africa (C1), India (C2) and Afghanistan Group D - West Indies (D1), England (D2) and Ireland Twenty20 World Cup Apr-2010 Tue 27 13:30 GMT, 09:30 local Warm-up - Pakistan v Windward Islands Beausejour Cricket Ground, St. Lucia Tue 27 17:30 GMT, 13:30 local Warm-up - Australia v Zimbabwe Beausejour Cricket Ground, St. Lucia | Scoreboard Tue 27 17:30 GMT, 13:30 local Warm-up - Barbados v Bangladesh Kensington Oval, Barbados Tue 27 17:30 GMT, 13:30 local Warm-up - Ireland v New Zealand Providence Stadium, Guyana | Scoreboard Tue 27 21:00 GMT, 17:00 local Warm-up - West Indies v Afghanistan Providence Stadium, Guyana Wed 28 13:30 GMT, 09:30 local Warm-up - South Africa v Sri Lanka Kensington Oval, Barbados Wed 28 17:30 GMT, 13:30 local Warm-up - Bangladesh v England Kensington Oval, Barbados Wed 28 17:30 GMT, 13:30 local Warm-up - Afghanistan v Ireland Providence Stadium, Guyana Wed 28 21:00 GMT, 17:00 local Warm-up - West Indies v New Zealand Providence Stadium, Guyana Thu 29 17:30 GMT, 13:30 local Warm-up - England v South Africa Kensington Oval, Barbados Thu 29 17:30 GMT, 09:30 local Warm-up - Windward Islands v Australia Beausejour Cricket Ground, St. Lucia Fri 30 17:00 GMT, 13:00 local 1st Match, Group B - Sri Lanka v New Zealand Providence Stadium, Guyana Fri 30 21:00 GMT, 17:00 local 2nd Match, Group D - West Indies v Ireland Providence Stadium, Guyana May-2010 Sat 01 13:30 GMT, 09:30 local 3rd Match, Group C - India v Afghanistan Beausejour Cricket Ground, St. Lucia Sat 01 17:30 GMT, 13:30 local 4th Match, Group A - Pakistan v Bangladesh Beausejour Cricket Ground, St. Lucia Sun 02 13:30 GMT, 09:30 local 5th Match, Group C - India v South Africa Beausejour Cricket Ground, St. Lucia Sun 02 17:30 GMT, 13:30 local 6th Match, Group A - Pakistan v Australia Beausejour Cricket Ground, St. Lucia Mon 03 13:30 GMT, 09:30 local 7th Match, Group B - Zimbabwe v Sri Lanka Providence Stadium, Guyana Mon 03 17:30 GMT, 13:30 local 8th Match, Group D - West Indies v England Providence Stadium, Guyana Tue 04 13:30 GMT, 09:30 local 9th Match, Group B - New Zealand v Zimbabwe Providence Stadium, Guyana Tue 04 17:30 GMT, 13:30 local 10th Match, Group D - England v Ireland Providence Stadium, Guyana Wed 05 13:30 GMT, 09:30 local 11th Match, Group A - Australia v Bangladesh Kensington Oval, Barbados Wed 05 17:30 GMT, 13:30 local 11th Match, Group C - South Africa v Afghanistan Kensington Oval, Barbados Thu 06 13:30 GMT, 09:30 local 13th Match - A1 v D2 Kensington Oval, Barbados Thu 06 17:30 GMT, 13:30 local 14th Match - C1 v B2 Kensington Oval, Barbados Fri 07 13:30 GMT, 09:30 local 15th Match - A2 v C2 Kensington Oval, Barbados Fri 07 17:30 GMT, 13:30 local 16th Match - B1 v D1 Kensington Oval, Barbados Sat 08 13:30 GMT, 09:30 local 17th Match - C1 v D2 Kensington Oval, Barbados Sat 08 17:30 GMT, 13:30 local 18th Match - A1 v B2 Kensington Oval, Barbados Sun 09 13:30 GMT, 09:30 local 19th Match - C2 v D1 Kensington Oval, Barbados Sun 09 17:30 GMT, 13:30 local 20th Match - B1 v A2 Kensington Oval, Barbados Mon 10 13:30 GMT, 09:30 local 21st Match - B2 v D2 Beausejour Cricket Ground, St. Lucia Mon 10 17:30 GMT, 13:30 local 22nd Match - A1 v C1 Beausejour Cricket Ground, St. Lucia Tue 11 17:00 GMT, 13:00 local 23rd Match - B1 v C2 Beausejour Cricket Ground, St. Lucia Tue 11 21:00 GMT, 17:00 local 24th Match - D1 v A2 Beausejour Cricket Ground, St. Lucia Thu 13 15:30 GMT, 11:30 local 1st Semi-Final - TBC v TBC Beausejour Cricket Ground, St. Lucia Fri 14 15:30 GMT, 11:30 local 2nd Semi-Final - TBC v TBC Beausejour Cricket Ground, St. Lucia Sun 16 15:30 GMT, 11:30 local The Final - TBC v TBC Kensington Oval, Barbados

Read more »

ِِِصدارتی اختیارات پارلیمنٹ کومنتقل

ایوان صدر میں ہونے والی تقریب میں صدر مملکت آصف علی زرداری نے پارلیمنٹ کے دونوں ایوانوں سے منظورکردہ اٹھارویں ترمیم کے مسودے پر دستخط کر دیے ہیں۔ جس کے بعد اٹھارویں ترمیم نہ صرف آئین کا حصہ بن گئی ہے بلکہ صدارتی اختیارات بھی پارلیمنٹ کو منتقل ہوگئے ہیں۔اس موقع پر وزیراعظم ،اسپیکرقومی اسمبلی ، چیئرمین سینیٹ ، چاروں صوبائی وزرائے اعلیٰ اور تمام سیاسی جماعتوں کے قائدین بھی موجود تھے۔

یہ ایک ایساتاریخی موقع تھا جس میں پہلی بار سیاسی ہم آہنگی اور باہمی رواداری کا عملی مظاہرہ دیکھنے میں آیا۔صدر نے اپنے تمام اختیارات پارلیمنٹ کومنتقل کرنے کے مسودے پردستخط کیے اورپھر پوری سیاسی قیادت کو گلے لگا کر سب کے سامنے سرخرو ہونے کااعلان کیا۔ بعض حلقوں کا کہنا ہے کہ صدر پربہت زیادہ دباؤ تھا کہ وہ اپنے اختیارات چھوڑ دیں۔ جبکہ بہت سے تجزیہ نگاروں کا خیال ہے کہ آصف علی زرداری نے کلی طور پر ایک جمہوری صدر ہونے کا ثبوت دیا ہے۔

علاوہ ازیں اٹھارویں ترمیم کے مسودے پر دستخط ہونے سے سرحد کانام آئینی طور پرتبدیل ہوکر خیبر پختونخوا ہوگیاہے۔جس کا ردعمل پوری شدت کے ساتھ ہزارہ ڈویژن میں ایک بار پھر ہوسکتاہے۔ آپ کے خیال میں کیا ہزارہ پختونخوا تنازع کے حل کے لیے انیسویں ترمیم آسکتی ہے؟ اٹھارویں ترمیم پر دستخط صدر زرداری کی مجبوری تھی یا انہوں نے کھلے دل کے ساتھ اپنے اختیارات وزیراعظم کو منتقل کیے ؟ طاقتور بن جانے کے بعد موجودہ وزیراعظم یا کوئی آنے والا وزیراعظم امیرالمومنین بننے کی کوشش تو نہیں کرے گا؟کیا عدلیہ اٹھارویں ترمیم کی بعض شقوں پر عملدرآمد روک سکتی ہے؟

Read more »

وینا ملک اور آصف میں صلح!

کسی نے کیا خوب کہا ہے کہ ’جہاں بھی گئے داستاں چھوڑ آئے‘ یہی حال ہمارے کرکٹرز کا بھی ہے جو اکثر کھلنڈرے پن سے گل کھلاتے رہتے ہیں چاہے وہ کرکٹ کا میدان ہو یا کوئی نائٹ کلب، دل پھینکنے کاہنر کوئی ان سے سیکھے، کھیل پہ دھیان کم اور جہاں کوئی اچھی صورت دیکھی یا کسی نے ان سے گھل مل کے باتیں کیں اور ہوگئے لٹو۔

بقول شاعر ”دل ہی تو ہے نہ سنگ وخشت درد سے بھر نہ آئے کیوں“

واہ ایک کمال شعیب ملک نے کیا اور اپنی محبت کو سچ کردکھایا، شادی رچالی اور بہت دھوم دھام سے لیکن اس کے برعکس ٹیلی ویژن اور فلم اسٹار وینا ملک اور ہمارے ابھرتے ہوئے فاسٹ بولر محمد آصف کے درمیان ہونے والی دوستی اوردشمنی کا قصہ زوروں پررہا جہاں دولت کی جھنکار اور محبت کا رنگ ایک تنازعہ کا باعث بن گیا، کس نے کیا دیا اور کس نے کیا لیا ،ہمیں اس سے غرض نہیں ، ایک دوسرے پہ الزامات کی بوچھاڑ کے بعد پیسے کی لین دین پر معاملہ اس حد تک بڑھا کے وہی محبت اوردوستی دشمنی میں بدل گئی، بات ایف آئی آر سے عدالت تک پہنچ گئی، جب بات زیادہ بگڑنے لگی تو کوئی بیچ بچاؤ کے لئے درمیان میں آگیا اور یوں صلح صفائی ہوگئی۔

وینا ملک کے درمیان دوستی ، دشمنی اور صلح کو آپ کس طرح دیکھتے ہیں؟

کیا ہمارے قومی کھلاڑیوں کو صرف اپنے کھیل توجہ مرکوز نہیں رکھنی چاہئے؟

کیا وینا ملک کو اپنے فن اداکاری پہ ناز تھا اور محمد آصف کو اپنی شہرت پر ؟

یہاں جیت کس کی ہوئی حسن کی یا دولت کی،یا کہ دونوں کا ضمیر بروقت جاگ گیا؟

Read more »

کرکٹ اور ٹینس کا تاریخی بندھن

کرکٹ اور ٹینس کا تاریخی بندھن

برصغیر کے میگا اسٹارز شعیب ملک اور ثانیہ مرزا کی شادی سے متعلق خبروں نے پاکستان اور بھارت میں ہلچل مچا دی ہے۔ اپنے اپنے میدانوں کے شہ سواروں کے درمیان رومانس کا آغاز اطلاعات کے مطابق لگ بھگ چھ ماہ قبل ہوا تھا۔ یہی وہ وقت تھا جب جنگ گروپ اور بھارتی ا دارے ٹائمز آف انڈیا کے درمیان امن کی آشا کے لئے بات چیت کا آغاز ہوا تھا۔ سابق کرکٹ کپتان شعیب ملک اور ٹینس کوئن ثانیہ مرزا کی منگنی کی خبر عین اس روز منظر عام پر آئی جب کراچی میں پاک بھارت دوستی و امن مشاعرے کی تیاریاں آخری مرحلے میں ہیں۔ شعیب ملک نے دبئی سے نمائندہ جنگ سے بات چیت کرتے ہوئے خبر کی تصدیق کردی۔ شعیب ملک کے خاندانی ذرائع کے مطابق شعیب ملک اور ثانیہ مرزا کی منگنی ایک ماہ قبل ہوئی تھی۔ دونوں خاندانوں کی ملاقات دبئی میں ہوئی۔ ذرائع کے مطابق شعیب ملک اور ثانیہ مرزا کی شادی اپریل کے دوسرے ہفتے میں ہوگی۔ شعیب ملک اور ثانیہ کے خاندانوں کی پہلی باضابطہ ملاقات گزشتہ ماہ دبئی میں پاکستان اور انگلینڈ کے درمیان دو ٹی ٹوئنٹی میچوں کے دوران ہوئی تھی۔ اس کے بعد شعیب ملک کی والدہ، بہن اور بہنوئی نے حیدرآباد دکن کا سفر کیا جہاں باضابطہ منگنی کی تقریب ہوئی۔ اس سے قبل شعیب ملک اور ثانیہ مرزا کی ملاقات ہوبارٹ (آسٹریلیا) میں بھی ہوئی تھی۔ ثانیہ مرزا کے والد نے تصدیق کی ہے کہ شعیب ملک کے ساتھ ثانیہ مرزا کی منگنی کی خبر درست ہے ۔شعیب ملک کی شادی کے بعد لاہور اور سیالکوٹ میں ولیمے کی تقریب ہوگی۔ ولیمے کی تقریب 16اور 17اپریل کو متوقع ہے۔ انہوں نے کہا کہ ثانیہ مرزا شادی کے بعد پاکستان آئیں گی، جہاں ولیمے کی تقریب ہوگی۔ واضح رہے کہ شعیب ملک کا حیدرآباد دکن کی عائشہ، اداکارہ سیالی بھگت سے بھی رومانس رہاہے۔

پاکستان کے سابق کپتان شعیب ملک کی ہونے والی اہلیہ ٹینس سپر اسٹار ثانیہ مرزا نے کہا ہے کہ ان کی ہونے والی شادی ان شاء اللہ ان کی زندگی کا سب سے بڑا دن ہوگا۔
کیا ثانیہ مرزا اور شعیب ملک کی شادی دونوں ملکوں کے درمیان ”امن کی آشا “میں اہم پیش رفت ثابت ہوگی؟

Read more »

پاکستان پریمئرلیگ متعارف کرانے کی تجویز

پاکستان کرکٹ بورڈ کے چیئرمین اعجازبٹ نے کہا ہے کہ پاکستان پریمئرلیگ متعارف کرانے کی تجویززیر غور ہے تاکہ ملک میں بین الاقوامی کھلاڑیوں کی آمد کویقینی بنایاجاسکے۔ایک انٹرویومیں انہوں نے کہا کہ بھارت اوربنگلہ دیش نے پہلے ہی اس طرح کی لیگ بنالی ہے اورغیرملکی کھلاڑی شوق سے اس میں حصہ لیتے ہیں کیونکہ انہیں کم وقت میں زیادہ دولت کمانے کا موقع ملتا ہے۔انہوں نے امید ظاہرکی کہ پرکشش پیکیج کی وجہ سے کھلاڑی بڑی تعداد میں اس لیگ میں شرکت کریں گے اورسیکیورٹی سے متعلق ان کے خدشات دور ہو سکیں گے۔ چیئرمین پی سی بی کا کہنا تھا کہ قومی ٹیم کا شمار مختصر فارمیٹ کی بہترین ٹیموں میں کیا جاتا ہے۔ انہوں نے توقع ظاہرکی کہ قومی ٹیم میگا ایونٹ میں اپنے ٹائٹل کا دفاع کرے گی۔

پاکستان پریمئر لیگ کی تجویز قابل عمل ہوسکے گی؟

غیرملکی کھلاڑی کے سیکورٹی سے متعلق خدشات کو کس طرح دور کیا جاسکتا ہے؟

Read more »

بینظیر بھٹو کے قتل کاذمہ دار کون؟

سابق وزیراعظم بینظیر بھٹو کے قتل کی تحقیقات کرنے والے اقوام متحدہ کے کمیشن نے اپنی رپورٹ پیش کردی ہے ، رپورٹ میں مشرف حکومت کو بینظیر بھٹو کے قتل کا ذمہ دار ٹھراتے ہوئے کہا گیا ہے کہ پرویز مشرف، حکومت پنجاب اور راولپنڈی پولیس مناسب سیکورٹی فراہم کرتی تو بینظیر بھٹو کے قتل روکا جاسکتا تھا۔ کمیشن کی رپورٹ میں کہا گیاہے کہ مشرف حکومت نے بینظیر بھٹو کی سیکورٹی کیلئے مناسب اقدامات کیے اور نہ ہی مناسب سیکورٹی فراہم کی۔ رپورٹ میں مزید بتایا گیا کہ کمیشن کو تحقیقات کیلئے اعلی سطح کے لوگوں تک پہنچنے کیلئے مشکلات کا سامنا کرنا بھی پڑا، میجر امتیاز بینظیر بھٹو کی سیکورٹی کے ذمہ دار تھے، پیپلزپارٹی نے بھی ذمہ داری کا مظاہرہ نہیں کیا اور ناقص سیکورٹی فراہم کی گئی۔ آئی ایس آئی، ایم آئی اور آئی بی نے رپورٹ کی تیاری میں رکاوٹیں ڈالیں اور راولپنڈی پولیس نے واقعے کی تحقیقات کیلئے موثر اقدام نہیں کیا، جائے وقوع کو دھو کر شکوک پیدا کیے گئے اور قتل کے بعد وزارت داخلہ کی پریس کانفرنس متنازع تھی۔یو این تحقیقاتی کمیشن کے سربراہ ہیرالڈو مونیز کی نیوز بریفنگ کے مطابق تحقیقات کے دوران مختلف دستاویزات کا جائزہ لیا گیا، تحقیقات میں ناکامی اور تاخیر کیلئے حکومتی عذر ناقابل قبول ہے، تحقیقات کے دوران 250افراد کے انٹرویو کئے گئے، رپورٹ میں مکمل تحقیقات کو شامل کیا ہے۔ انہوں نے پریس بریفنگ میں بتایا کہ بینظیر اور مشرف کے درمیان کوئی ڈیل نہیں ہوئی تھی، بینظیر قتل کے بعد وزارت داخلہ کی پریس کانفرنس متنازع تھی،بینظیر قتل کیس کے شواہد جمع کیے جاسکتے تھے۔ انہوں نے کہا کہ بینظیر کی ہلاکت بم دھماکے سے ہوئی، جائے وقوع کو دھو کر اور شواہد مٹا کر شکوک پیدا کیے گئے۔ انہوں نے کہا کہ حکومت کی ذمہ داری تھی کہ بینظیر بھٹو کو خطرات سے آگاہ کرتی اور مناسب سیکورٹی فراہم کرتی، بینظیر بھٹو امریکا اور برطانیہ کے ذریعے مشرف سے مذاکرات کررہی تھی۔ انہوں نے واضح کیا کہ کمیشن کا کام حقائق پر روشنی ڈالنا تھا۔ انہوں نے کہا کہ بینظیر بھٹو نے اپنے ایک خط میں جن تین افراد کا ذکر کیا تھا ان تک پہنچنے میں کمیشن کو مشکلات کا سامنا کرناپڑا، مجرموں کا پتہ لگانا کمیشن کا کام نہیں تھا، حقائق جمع کرنا تھا۔

اقوام متحدہ کی رپورٹ سے قتل کے ذمہ داروں کے تعین میں مدد مل سکے گی؟

بے نظیر کے قتل کی تحقیقاتی رپورٹ منظر عام پر آنے کے بعد ملک کا سیاسی منظر نامہ کیا ہوگا؟

کیا واقعی صدر مشرف کی حکومت اس واقعہ کی ذمہ دار ہے؟

سیکیورٹی ناکامی اس کا سبب ہوسکتی ہے یا کچھ اور سیاسی رکاوٹیں ؟

جائے وقوعہ کو دھونا اتفاقیہ تھا یامنصوبہ بندی کے تحت شواہد مٹانا؟

بے نظیر کے قتل کی جائے واردات کو کس کے کہنے پر صاف کیا گیا؟

Read more »

ہزارہ ڈویژن میں احتجاجی مظاہرے!

صوبہ سرحد کانام خیبر پختونخوا رکھنے کے خلاف ہزارہ ڈویژن میں زبردست مظاہرے ہوئے، احتجاجی ریلیاں نکالی گئیں اور پولیس فائرنگ اور تشدد سے 8 افراد ہلاک ہو گئے جبکہ 150 سے زائد افراد زخمی ہوئے۔ بعض اطلاعات کے مطابق ہلاک اور زخمیوں کی تعداد کہیں زیادہ ہے۔ صوبہ سرحد کا نام خیبر پختونخوا رکھنے کے خلاف ہونے والا ردعمل صرف ہزارہ تک ہی محدود نہیں بلکہ اس نے کئی دوسرے علاقوں کو بھی اپنی لپیٹ میں لے کر شہری زندگی کو بری طرح مفلوج کر کے رکھ دیا ہے لیکن حکومت کی سمجھ میں یہ بات ابھی تک نہیں آئی کہ وسیع تر قومی اور ملکی مفادات کے حوالے سے عوام کے جذبات اور خواہشات کا احترام کس حد تک ناگزیر ہے اور قومی اتحاد و یکجہتی میں یہ کیا کردار ادا کرتا ہے۔ کتنی افسوسناک بات ہے کہ پولیس نے بعض مظاہرین کو اس وقت نشانہ بنایا جب وہ مظاہرہ کرنے کے بعد واپس جا رہے تھے حالانکہ اس حالت میں انہیں نشانہ بنانے کا کوئی جواز نہ تھا۔ مقامی انتظامیہ کا فرض تھا کہ وہ تشدد کا راستہ اختیار کرنے سے گریز کرتی کیونکہ یہ مسئلہ تشدد سے نہیں افہام و تفہیم سے حل ہو سکتا ہے اور اسی میں سب کی بھلائی ہے۔ اب مسلم لیگ (ن) کی طرف سے بھی حالات کی سنگینی کو دیکھتے ہوئے یہ کوشش شروع کر دی گئی ہے کہ صوبے کے نام کے حوالے سے اپنے موقف پر نظرثانی کی جائے اور باہمی مشاورت سے افہام و تفہیم کا راستہ نکالا جائے۔ اس کے لئے پارٹی کا اجلاس بھی طلب کیا گیا ہے لیکن اس مسئلے پر ردعمل بدستور جاری ہے اور عوامی احتجاج میں کمی نہیں آئی۔ جب تک حکومت اس مسئلے کی اہمیت پر سنجیدگی سے غور کرنے کے بعد اسے پائیدار اور مستقل بنیادوں پر عوام کی خواہشات کے مطابق حل کرنے کی طرف توجہ نہیں دیتی اس وقت تک یہ مسئلہ حل نہیں ہو گا اور حالات مزید خراب ہونے کا خدشہ برقرار رہے گا جس سے حکومتی مشکلات میں بھی اضافہ ہو گا۔ ضرورت اس امر کی ہے کہ حکومت اس مسئلے کو وسیع تر مشاورت اور افہام و تفہیم کے ذریعے حل کرنے کی کوشش کرے اور کوئی ایسا تاثر نہ دے جس سے بعض علاقوں کے باسیوں میں یہ خیال پیدا ہو کہ کوئی فیصلہ ان پر زبردستی تھونپا جا رہا ہے۔ بعض سیاسی حلقوں کی جانب سے اس موقع پر سرائیکی صوبے کی حمایت میں بیان دینے میں بھی کوئی تُک نظر نہیں آتی اس سے معاملات کو خواہ مخواہ الجھانے اور خراب کرنے کا تاثر ملتا ہے۔ اس وقت جبکہ پوری قوم جان لیوا گرانی اور مہنگائی کی چکی میں پس رہی ہے اور بدترین لوڈشیڈنگ نے شدید گرمی کے موسم میں لوگوں کی زندگی اجیرن کر رکھی ہے ،ارباب اختیار کا اصل کام عوام کے بنیادی اور حقیقی مسائل کو حل کرنا ہے نہ کہ ان کی توانائیوں کو سطحی مسائل میں الجھا کر ضائع کرنا۔

ہزارہ ڈویژن میں صوبہ سرحد کانام خیبر پختونخوا رکھنے کے خلاف احتجاجی مظاہروں پر اپنی رائے کا اظہار کریں۔

Read more »

”شعیب اختر ان ایکشن؟“

فاسٹ بولر شعیب اختر کو کرکٹ کھیلے بغیر خبروں میں رہنے کا فن خوب آتا ہے۔ ایک روزہ قومی کرکٹ ٹورنامنٹ کیلئے فیڈرل ایریاز کی ٹیم میں شامل ہوتے ہی انہوں نے دعویٰ کیا ہے کہ وہ انگلینڈ کے خلاف سیریز میں پاکستانی ٹیم کو فتح دلوانا چاہتے ہیں ۔شعیب اختر نے ایک انٹرویو میں کہا ہے کہ گھٹنے کے آپریشن کے بعد میں پوری رفتار اور ردہم سے بولنگ کر رہا ہوں، میں پی سی بی اور سلیکٹرز کا مشکور ہوں جنہوں نے مجھے ایک روزہ کپ کی ٹیم کیلئے منتخب کیا ہے۔ میری کوشش ہے کہ ڈومیسٹک کرکٹ کھیل کر اپنی فارم حاصل کروں ۔انہوں نے کہا کہ مختلف کاؤنٹیز کی طرف سے انگلش سیزن کھیلنے کی پیشکش ہوئی ہے لیکن میری اولین ترجیح پاکستان کیلئے کھیلنا ہے۔ میری خواہش ہے کہ انگلینڈ میں پاکستان کی طرف سے چھ ٹیسٹ کھیلوں اور پاکستانی ٹیم کو فتح دلواؤں، میں دورہٴ انگلینڈ میں پاکستان کی جیت میں کردار ادا کرنا چاہتا ہوں۔

کیا شعیب اختر اپنے دعوے پر پورا اتر سکیں گے؟

آپ ان کو مستقبل میں کیسا دیکھتے ہیں؟

Read more »