ملتان میں پولیس نے آٹھ دہشت گرد گرفتار کر کےان سے بڑی تعدادمیں اسلحہ اور بھاری مقدار میں بارودی مواد برآمد کر لیا۔ گرفتار دہشت گردوں نے کینٹ کے علاقے میں واقع فورٹ کالونی کی ریکی بھی کی ہوئی تھی۔ کالعدم تنظیم سے تعلق رکھنے والے ان مشتبہ دہشت گردوں کو تھانہ جلال پور سٹی کی حدود سے گرفتار کیا گیا۔ ان کے قبضے سے تین میزائل، پانچ راکٹ لانچر، سات ہینڈ گرنیڈ، دو کلاشنکوف اور سینکڑوں گولیوں کے علاوہ بارودی مواد بھی برآمد ہوا ہے۔ یہ مشتبہ دہشت گرد آرمی ایوی ایشن بیس اور آئل ڈپو کونشانہ بنانا چاہتے تھے۔ انہوں نے تاوان کے لئے ایک معروف قادیانی شخصیت کو اغواکرنے کا منصوبہ بھی بنایا ہوا تھا۔
Pakistan Rupee Exchange Rate
