مصر میں محصور پاکستانیوں کے انخلا کیلئے پروازیں آج روانہ ہونگی

کراچی: مصر میں محصور پاکستانیوں کے انخلا کے لئے پی آئی اے کے دو طیارے آج قاہرہ روانہ ہوں گے۔ پی آئی اے بوئنگ سیون فور سیون اور ایئربس تھری ون زیرو مصر بھیجے گا۔ کراچی سے پہلی پرواز پی کے ٹو سکس ون ٹو رات ساڑھے آٹھ بجے روانہ ہوگی جو پھنسے ہوئے پاکستانیوں کو لے کر کل صبح ساڑھے آٹھ بجے اسلام آباد واپس پہنچ جائے گی۔ دوسرا طیارہ آج رات ساڑھے دس بجے کراچی سے قاہرہ روانہ ہوگا جو مسافروں کو لے کر کل صبح گیارہ بجے اسلام آباد واپس پہنچ جائے گا۔