کراچی: قتل سمیت مختلف واقعات میں چار افراد ہلاک

کراچی میں فائرنگ سمیت مختلف حادثات و واقعات میں خاتون سمیت چار افراد ہلاک جبکہ پانچ زخمی ہو گئےہیں۔. کراچی کے علاقوں کورنگی، قائد آباد، ناگن چورنگی، نیو کراچی سیکٹر الیون اور گلستان جوہر میں یہ واقعات پیش آئے.

کراچی میں فائرنگ سمیت مختلف حادثات و واقعات میں خاتون سمیت چار افراد ہلاک جبکہ پانچ زخمی ہو گئےہیں۔ کورنگی کے علاقے بلال کالونی میں 42 سالہ پرویز نے گھریلو ناچاقی پر اپنی بیوی 30 سالہ ساجدہ کو فائرنگ کر کے ہلاک کر دیا، قائد آباد کے علاقے گل احمد چورنگی پر گارمنٹس فیکڑی کے لیبر روم سے فیکڑی ملازم 57 سالہ اورہ جان کی لاش ملی ہے جبکہ ناگن چورنگی کے قریب لیبارٹری کی دوکان پر تعینات پرائیوٹ سیکورٹی گارڈ 50 سالہ عشرت علی اپنی پستول چل جانےکے نتیجے میں گولی لگنے سے ہلاک ہو گیا۔ گارڈن میں 41 سالہ شخص نے گلے میں پھندا ڈال کر خودکشی کر لی، نیو کراچی سیکڑ الیون جی میں رحمانیہ مسجد کے قریب موٹر سائیکل سواروں کی فائرنگ سے 30 سالہ خرم ،قاسم قادری اور فیاض زخمی ہو گئے۔ واقعے کے بعد لوگوں میں خوف وہراس پھیل گیا،اور کاروباری مراکز اور دوکانیں بند ہو گئی۔۔گلستان جوہر بلاک 16 اور بلاک 13 میں نامعلوم افراد کی فائرنگ سے دو افراد زخمی ہو گئے۔