چھٹا ون ڈے: آسٹریلیا کی انگلینڈ کیخلاف تاریخی فتح

سڈنی: آسٹریلیا نے انگلینڈ کو چھٹے ایک روزہ میچ میں دو وکٹوں سے شکست دے کر سات میچوں کی سیریز میں پانچ ایک کی برتری حاصل کرلی۔سڈنی میں کھیلے جانے والے میچ کا ٹاس انگلینڈ نے جیت کر پہلے بیٹنگ کا فیصلہ کیا جوناتھن ٹراٹ کی شاندار بیٹنگ کی بدولت مقررہ پچاس اوورز میں چھ وکٹوں پر تین سو تینتیس رنز بنائے۔ ٹراٹ نے ایک سو چھبیس گیندوں پر ایک سو سینتیس رنز کی اننگز کھیلی۔ اینڈریو اسٹراس نے ترسیٹھ رنز بنائے۔ شان ٹیٹ نے دو کھلاڑیوں کو آوٴٹ کیا۔ جواب میں آسٹریلیا نے مطلوبہ ہدف بیٹسمینوں کی ذمہ دارانہ بیٹنگ کی بدولت آخری اوور میں آٹھ وکٹوں کے نقصان پر حاصل کرلیا۔ مائیکل کلارک بیاسی رنزبناکر نمایاں رہے۔ مچل جونسن ستاون، شین واٹسن اکیاون اور کیلم فرگوسن نے چھیالیس رنز اسکور کئے۔ اسٹیون فن نے دو وکٹیں حاصل کیں۔